ରାଜ୍ୟସ୍ତରୀୟ ଫୁଟବଲ ଟୁନାମେଣ୍ଟ
ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଭାପୁର ବ୍ଲକ ଅନ୍ତର୍ଗତ ଗୋଳାପୋଖରୀଠାରେ ଆଞ୍ଚଳିକ ସ୍ପୋର୍ଟ କ୍ଲବ ଦ୍ୱାରା ଆୟୋଜିତ ରାଜ୍ୟ ସ୍ତରୀୟ ଫୁଟବଲ ଟୁନାମେଣ୍ଟର ପ୍ରଥମ ସେମିଫାଇନାଲରେ ଆଜି ସତ୍ୟନାରୟଣ ଯୁବକ କ୍ଲବ ବାଲୁଗାଁ ୧-୦ ଗୋଲରେ ପତିପପାବନ ସଂଘ ଫୁଟବଲ କ୍ଲବ ବ୍ରହ୍ମପୁରକୁ ପରାଜିତ କରିଛି । ବିଜୟୀ ଦଳର ୧୦ନଂ ଜର୍ସି ଖେଳର ପ୍ରଥମାର୍ଦ୍ଧରେ ଗୋଟିଏ ଗୋଲ ଦେଇ ମ୍ୟନ ଅଫ ଦି ମ୍ୟାଚ ଘୋଷିତ ହୋଇଛନ୍ତି । ଏହି ଅବସରରେ ଆଜିର ମୁଖ୍ୟ ଅତିଥି ସମାଜସେବୀ ଜଗନ୍ନାଥ ବାରିକ ତାଙ୍କୁ ପୁରସ୍କୃତ କରିଛନ୍ତି । ଆଜିର ଖେଳରେ ସମବାୟବିତ ବିଜୟ କୁମାର ସାମନ୍ତରାୟ ଭାସ୍ୟକାର ଦାୟିତ୍ୱ ଗ୍ରହଣ କରିଥିବା ବେଳେ ମୁଖ୍ୟ ରେଫରୀ ଭାବେ ଏମ.ଏସ ସେଗ ମ୍ୟାଚ ପରିଚାଳନା କରିଥିଲେ । ତାଙ୍କୁ ରବି ନାରାୟଣ ମହାରଣା ଏବଂ ଶୁଶାନ୍ତ ମିଶ୍ର ସହଯୋଗ କରିଥିଲେ ।
