ପ୍ରଜାମଣ୍ଡଳ ମହିଳା ମହାବିଦ୍ୟାଳୟ ୩୯ ତମ ବାର୍ଷିକ ଉତ୍ସବ
ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ପ୍ରଜାମଣ୍ଡଳ ମହିଳା ମହାବିଦ୍ୟାଳୟର ଛାତ୍ରୀ ସଂଘ ପକ୍ଷରୁ ୩୯ ତମ ବାର୍ଷିକ ଉତ୍ସବରେ ମୁଖ୍ୟ ଅତିଥି ଭାବେ ମନ୍ତ୍ରୀ ଡ. ଅରୁଣ କୁମାର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । କାର୍ଯ୍ୟକ୍ରମରେ ମୁଖ୍ୟ ବକ୍ତା ଭାବେ ଜିଲ୍ଲାପାଳ ଡ. ପୋମା ଟୁଡୁ ଯୋଗଦେଇ ମହାବିଦ୍ୟାଳୟର ଛାତ୍ରୀମାନଙ୍କ ସହିତ ଅଙ୍ଗାଙ୍ଗୀ ଜଡ଼ିତ ବୋଲି ପ୍ରକାଶ କରିବା ସହିତ ସ୍ୱାସ୍ଥ୍ୟ ସଂମ୍ପର୍କୀତ ବକ୍ତବ୍ୟ ରଖିଥିଲେ । ସେହିପରି ଭାବେ ମୁଖ୍ୟ ଅତିଥି ଡ. ସାହୁ ଭାରତବର୍ଷର ସମସ୍ତ ଶିକ୍ଷା ବ୍ୟବସ୍ଥାକୁ ଦେଖିଲେ ଓଡ଼ିଶାର ଶିକ୍ଷା ଆହୁରି ଆଗକୁ ଯିବା ପାଇଁ ସମସ୍ତଙ୍କର ସହଯୋଗର ଆବଶ୍ୟକତା ରହିଥିବା କହିଥିଲେ । ଏଥି ସହିତ ଛାତ୍ରୀମାନଙ୍କୁ ଡ. ସାହୁ ପାଠ୍ୟ ପୁସ୍ତକ ବ୍ୟତିତ ପାଠଗାରାରେ ରହୁଥିବା ଅନ୍ୟ ପୁସ୍ତକ ସବୁ ପାଠ କରିବା ପାଇଁ ଆହ୍ୱାନ ଦେଇଥିଲେ । ବର୍ତ୍ତମାନ କଷ୍ଟ କଲେ ଭବିଷ୍ୟତରେ ସୁଖ ପାଇବ ବୋଲି ମନ୍ତ୍ରୀ ଛାତ୍ରୀମାନଙ୍କ ଉଦ୍ଦେଶ୍ୟରେ ବକ୍ତବ୍ୟ ଦେଇଥିଲେ । ଏହି କାର୍ଯ୍ୟକ୍ରମରେ ମହାବିଦ୍ୟାଳୟ ଅଧ୍ୟକ୍ଷା ପ୍ରଫେସର ରାଜଶ୍ରୀ ମହାପାତ୍ର, ବିଦ୍ୟୁତ ପ୍ରଭା ମିଶ୍ର, ପ୍ରଭାତ କୁମାର ନାୟକ ପ୍ରମୂଖ ମଂଚାସନ ଥିଲେ । କୃତ୍ତି ଛାତ୍ରୀମାନଙ୍କୁ ମୁଖ୍ୟ ଅତିଥି ପୁରସ୍କାର ପ୍ରଦାନ କରିବା ସହିତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
