ଦୃଷ୍ଟିହୀନଙ୍କୁ କଙ୍ଗାରୁକୋର୍ଟରେ ବାସନ୍ଦ

ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା କଣ୍ଟିଲୋ ଗ୍ରାମର କେଉଟସାହିର ସୋମନାଥ ଦଳେଇ ନାମକ ଜଣେ ଦୃଷ୍ଟିହୀନ ବ୍ୟକ୍ତିଙ୍କୁ କଙ୍ଗାରୁକୋର୍ଟରେ ବାସନ୍ଦ କରାଯାଇଥିବା ନେଇ ଆଜି ଜିଲ୍ଲାପାଳଙ୍କ ନିକଟରେ ଅଭିଯୋଗ ହୋଇଛି । ୨୦୧୭-୧୮ ମସିହାରେ ସାହିରେ ଏକ ଭାଗବତ ଟୁଙ୍ଗି ନିର୍ମାଣ ପାଇଁ ଟଙ୍କା ଆସିଥିଲା । ଏହି ଭାଗବତ ଟୁଙ୍ଗିକୁ ଦୃଷ୍ଟିହୀନ ସୋମନାଥଙ୍କ ଘର ସାମନାରେ ନିର୍ମାଣ କରାଯିବା ନେଇ କାମ ଆରମ୍ଭ ହୋଇଥିଲା । ମାତ୍ର ସେ ଏହାର ବିରୋଦ୍ଧ କରିବାକୁ ତାଙ୍କୁ ସାହିରୁ କିଛି ଅସାମାଜିକ ବ୍ୟକ୍ତିଙ୍କ ଦ୍ୱାରା ଅନୁଷ୍ଠିତ କଙ୍ଗାରୁକୋର୍ଟ ତାଙ୍କ ପରିବାରକୁ ବାସନ୍ଦ କରିଥିବା ଅଭିଯୋଗ ହୋଇଛି । ଅନ୍ୟପକ୍ଷେ ଏହା ପଛରେ ପଂଚାୟତ କାର୍ଯ୍ୟ ନିର୍ବାହୀ ଅଧିକାରୀଙ୍କ ଭୂମିକା ରହିଥିବା ନେଇ ସୋମନାଥ କହିଛନ୍ତି । ପୂର୍ବରୁ ଘଟଣା ସଂମ୍ପର୍କରେ କଣ୍ଟିଲୋ ଫାଣ୍ଡିଠାରୁ ଆରମ୍ଭ କରି ବିଭିନ୍ନ ସ୍ଥାନରେ ସେ ଅଭିଯୋଗ କରିଥିଲେ ମଧ୍ୟ କେହି ତାଙ୍କୁ ନ୍ୟାୟ ଦେଉନଥିବା ସେ କହିଛନ୍ତି ।