ନୟାଗଡ଼, (ବାଘୁଆବାର୍ତ୍ତା): ସ୍ଥାନୀୟ ଶିକ୍ଷକ ଭବନ ପରିସରରେ ବିଭିନ୍ନ ଗଣସଂଗଠନ ମାନଙ୍କର ଏକ ମିଳିତ ସାଧାରଣ ସଭା ଅନୁଷ୍ଠିତ ହୋଇଯାଇଛି । ଏହି ବୈଠକରେ ସି.ଆଇ.ଟି.ୟୁ ର ଜିଲ୍ଲା ସମ୍ପାଦକ ଶରତ ବେହେରା ସଭାପତିତ୍ୱ କରିଥିଲେ । ଜିଲ୍ଲା ସଭାପତି ବିଶ୍ୱନାଥ ମହାପାତ୍ର ମୁଖ୍ୟ ବକ୍ତା ଭାବେ ଯୋଗଦେଇ ଦରଦାମ୍ ବୃଦ୍ଧି, ସରକାରଙ୍କ ଶ୍ରମିକ-କୃଷକ ବିରୋଧୀ ନିତୀକୁ ବିରୋଧ କରିବା ସହ ଆସନ୍ତା ୮ ତାରିଖ ଦିନ ହେବାକୁ ଯାଉଥିବା ଦେଶବ୍ୟାପୀ ସାଧାରଣ ଧର୍ମଘଟକୁ ସଫଳ କରିବା ପାଇଁ ଆହ୍ୱାନ ଦେଇଥିଲେ । ଏହି ଆନ୍ଦୋଳନକୁ ଦଶପଲ୍ଲାରେ ସଫଳ କରିବା ନିମନ୍ତେ ଦଶପଲ୍ଲାର ବୁଦ୍ଧିଜିବୀ, ବ୍ୟବସାୟୀ, ଚାଷୀ ମୂଲିଆ, ଶିକ୍ଷକ କର୍ମଚାରୀ, ବିଭିନ୍ନ ସଂଘ ଏବଂ ସାଧାରଣ ଲୋକଙ୍କୁ ନିବେଦନ କରାଯାଇଛି । ଏହି ସଭାରେ ଆଶାକର୍ମି ସଂଘ, ପାଚିକା/ସହାୟିକା ସଂଘ, କ୍ଷେତ ମଜଦୁର ୟୁନିୟନ, କୃଷକ ସଭା, ଡି.ୱାଇ.ଏଫ୍.ଆଇ, ଏସ୍.ଏଫ୍.ଆଇର କର୍ମି ମାନେ ଯୋଗ ଦେଇଥିଲେ । ଅନ୍ୟ ମାନଙ୍କ ମଧ୍ୟରେ ଗଣେଶ୍ୱର ନାୟକ, ଜୟନ୍ତୀ ଦାଶ, ସଶ୍ମିତା ପଟ୍ଟନାୟକ, ସୁଶାନ୍ତ ନାୟକ ଓ ବିରଂଚି ନାୟକ ପ୍ରମୁଖ ବକ୍ତବ୍ୟ ରଖିଥିଲେ ।
