ନୟାଗଡ଼,(ବାଘୁଆବାର୍ତ୍ତା): ଗଣିଆ ବ୍ଲକ ଆଡକଟା ପଞ୍ଚାୟତ ଅନ୍ତର୍ଗତ କେନ୍ଦୁଆବିଡା ଭାଗବତ ମନ୍ଦିର ଠାରେ ଅଞ୍ଚଳର ଶାମ୍ବ ଦଶମୀ ଉପଲକ୍ଷେ ସାଧୁସନ୍ଥ ଭକ୍ତ ମାନଙ୍କୁ ନେଇ ଗ୍ରାମବାସୀଙ୍କ ସହାୟତାରେ ସାଧୁମେଳା ଅନୁଷ୍ଠିତ ହୋଇ ଯାଇଛି । ସକାଳୁ ସକାଳୁ ଗ୍ରାମର ମହିଳା ଓ ପୁରୁଷ ସୂର୍ଯ୍ୟପୂଜା କରିବା ପରେ ଗୀତାଯଜ୍ଞ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଜଗନ୍ନାଥ ଦଳର ମାର୍ଗ ଦର୍ଶକ ସନ୍ଥସେବକ ଭକ୍ତ ପ୍ରଭୂଜୀ ଲଳିତ ନାରାୟଣ ଦାସ,ସଭାପତି ରାଜୁ ବାବା,ସମ୍ପାଦକ ଭୋଳେଶ୍ୱର ବାବା,ସଦା ବାବା,ଚକ୍ରଧର ବାବାଙ୍କ ସମେତ ନରସିଂହପୁର,ଗଣିଆ,ଖଣ୍ଡପଡା ଆଦି ଅଞ୍ଚଳର ପ୍ରାୟ ୬୦ରୁ ଅଧିକ ସାଧୁସନ୍ଥ ଯୋଗ ଦେଇଥିଲେ । ଗ୍ରାମବାସୀଙ୍କ ତରଫରୁ ଉପସ୍ଥିତ ସାଧୁସନ୍ଥ ମାନଙ୍କୁ ବସ୍ତ୍ର ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମକୁ କେନ୍ଦୁଆବିଡା ଗ୍ରାମ ସଭାପତି ବରଜ ବନ୍ଧୁ ସେଠ,ୱାର୍ଡ ମେମ୍ବର ବେଣୁଧର ସେଠ ଓ ଗ୍ରାମବାସୀ ଗଣ ସହଯୋଗ କରିଥିଲେ ।
