ଉଚ୍ଚଶିକ୍ଷାର ମାନବୃଦ୍ଧି ପାଇଁ ମନ୍ତ୍ରୀଙ୍କ ଆହ୍ୱାନ

        ୧୬ ଜଣ ଅଧ୍ୟାପକ, ଅଧ୍ୟାପିକ ପାଇଲେ ନିଯୁକ୍ତିପତ୍ର

ନୟାଗଡ଼, (ବାଘୁଆବାର୍ତ୍ତା) : ଉଚ୍ଚଶିକ୍ଷା ବିଭାଗ ଦ୍ୱାରା ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତି କରଣ, ମତ୍ସ୍ୟ ଓ ପ୍ରାଣୀ ସଂପଦ ଏବଂ ଉଚ୍ଚଶିକ୍ଷା ମନ୍ତ୍ରୀ ଡ. ସାହୁ ଅତିଥି ଭାବେ ଯୋଗ ଦେଇ ସରକାରଙ୍କ ଦ୍ୱାରା ନବନିଯୁକ୍ତି ପାଇଥିବା ୧୬ ଜଣ ଅଧ୍ୟାପକ ଓ ଅଧ୍ୟାପିକାଙ୍କୁ ନିଯୁକ୍ତି ପତ୍ର ପ୍ରଦାନ କରିଛନ୍ତି । ଏହି ଅବସରରେ ଡ. ସାହୁ ତାଙ୍କ ବକ୍ତବ୍ୟରେ ଉଚ୍ଚଶିକ୍ଷାର ମାନବୃଦ୍ଧି କରିବାକୁ ଆହ୍ୱାନ ଦେବା ସହ ପ୍ରତ୍ୟେକ ଅଧ୍ୟାପକ, ଅଧ୍ୟାପିକାମାନେ ଅନୁନ୍ୟ ୧୦ରୁ ୧୫ ଜଣ ଛାତ୍ରଛାତ୍ରୀ ଦାୟିତ୍ୱ ନେଇ ସେମାନଙ୍କ ଉପରେ ସ୍ୱତନ୍ତ୍ର ଦୃଷ୍ଟି ଦେବାକୁ କହିଛନ୍ତି । ଏହି ଅବସରରେ ବିଭାଗ ଦ୍ୱାରା ଉଭିଦ୍ଦ ବିଜ୍ଞାନରେ ୨, ବାଣିଜ୍ୟରେ ୧, ରସାୟନ ବିଜ୍ଞାନରେ ୧, ଇଂଗ୍ରାଜୀରେ ୪, ଦର୍ଶନ ଶାସ୍ତ୍ରରେ ୨, ପଦାର୍ଥ ବିଜ୍ଞାନରେ ୧, ରାଜନୀତି ବିଜ୍ଞାନରେ ୩, ଗଣିତରେ ୧, ପ୍ରାଣୀ ବିଜ୍ଞାନରେ ୧ ଜଣଙ୍କୁ ନିଯୁକ୍ତି ପତ୍ର ବଣ୍ଟନ କରାଯାଇଛି । ସ୍ଥାନୀୟ କୃଷି ଭବନ ତାଲିମ ଭବନଠାରେ ଏହି ଉତ୍ସବ ଅନୁଷ୍ଠିତ ହୋଇଥିଲା । ବିଭାଗର ବହୁ ବରିଷ୍ଠ ଅଧିକାରୀ ଉପସ୍ଥିତ ରହିଥିଲେ ।