ଭୂବନେଶ୍ୱର (ବାଘୁଆବାର୍ତ୍ତା ବ୍ୟୁରୋ): ରାଜନୀତି, ସାହିତ୍ୟ, ସାମ୍ବାଦିକତାର ଯଶ୍ୱସୀ ମହାନାୟକ ଜାନକୀ ବଲ୍ଲଭ ପଟ୍ଟନାୟକଙ୍କ ୯୩ ତମ ଜୟନ୍ତୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୟୁଟର ଯୋଗ ଶ୍ରଦ୍ଧାଞ୍ଜଳୀ ଜଣାଇଛନ୍ତି । ୧୯୮୦ ମସିହାରେ ଜାନକୀ ବଲ୍ଲଭଙ୍କ ନେତୃତ୍ୱରେ କଂଗ୍ରେସ ଦଳ ୧୧୭ ଜଣ ସଦସ୍ୟ ବିଧାନ ସଭାକୁ ନିର୍ବାଚିତ କରାଇ ସେ ପ୍ରଥମ ଥର ପାଇଁ ଓଡ଼ିଶାର ମୁଖ୍ୟମନ୍ତ୍ରୀ ହୋଇଥିଲେ । ରାଜନୈତିକ ଇଚ୍ଛାଶକ୍ତି ବଳରେ ସେ ଓଡ଼ିଶାର ଘରେ ଘରେ ପରିଚିତ ଥିଲେ । ପରବର୍ତ୍ତୀ ମୂହୂର୍ତ୍ତୀରେ ପୁଣି ପାଂଚ ବର୍ଷ ପାଇଁ ମୁଖ୍ୟମନ୍ତ୍ରୀ ହୋଇ ତୃତୀୟ ଥର ପାଇଁ ୧୯୯୫ ମସିହାରେ ମୁଖ୍ୟମନ୍ତ୍ରୀ ହୋଇଥିଲେ । ଖୋର୍ଦ୍ଧା ଜିଲ୍ଲା ଅନ୍ତର୍ଗତ ରାମେଶ୍ୱର ଗ୍ରାମରେ ୧୯୨୭ ମସିହା ଜାନୁୟାରୀ ୩ ତାରିଖରେ ଜାନକୀ ବଲ୍ଲଭ ଜନ୍ମ ଗ୍ରହଣ କରିଥିଲେ । ତାଙ୍କ ପିତା ଗୋକୁଳାନନ୍ଦ ପଟ୍ଟନାୟକ ଥିଲେ ଜଣେ ଆଦର୍ଶ ଶିକ୍ଷକ ଓ ବିଶିଷ୍ଟ ଲେଖକ । ଜାନକୀ ବଲ୍ଲଭ ପଟ୍ଟନାୟକ ଏକାଧାରାରେ ଜଣେ ରାଜନୀତିଜ୍ଞ, ସାରସ୍ୱତ ସାଧକ, ସାମ୍ବାଦିକ ଓ ଅନୁବାଦକ । ସେ କେନ୍ଦ୍ରରେ ମନ୍ତ୍ରୀ ସହ ଆସାମର ରାଜ୍ୟପାଳ ଭାବେ କର୍ତ୍ତବ୍ୟ ସଂପାଦନ କରିଛନ୍ତି ।
