ନୟାଗଡ଼ (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଓଡ଼ଗାଁ ଥାନା ଅନ୍ତର୍ଗତ କୁରାଳ ଗ୍ରାମରେ ଆଜି ଟ୍ରାକ୍ଟରୁ ଖସି ପଡ଼ିବା ପରେ ଚକାରେ ଚାପିହୋଇ ଜଣେ ନାବାଳକଙ୍କ ମୃତ୍ୟୁ ଘଟିଛି । ନାବାଳକ ଜଣକ କୁରାଳ ବେଙ୍ଗେଇ ସାହିର ହେମନ୍ତ ବିଶ୍ୱାଳଙ୍କ ପୁଅ ବିଷ୍ଣୁ ବିଶ୍ୱାଳ(୧୪) ।
ସୂଚନାନୁସାରେ ଆଜି ବିଷ୍ଣୁ ତାଙ୍କ ତାଙ୍କ ବଡ଼ବାପାଙ୍କ ସହ ନମ୍ବର ବିହିନ ଏକ କଳେଇ ବୋଝେଇ ଟ୍ରାକ୍ଟରରେ ଘରକୁ ଫେରୁଥିଲେ । ଚାଳକ ନିୟନ୍ତ୍ରଣ ହରାଇବାରୁ ଏକ ମୋଡରେ ଇଞ୍ଜିନଟି ଉପରକୁ ଉଠିଯାଇଥିଲା । ଚାଳକ ପାଖରେ ବସିଥିବା ବିଷ୍ଣୁ ଖସିପଡିବା ପରେ ଚକାରେ ଚାପି ହୋଇଯାଇଥିଲା । ଘଟଣା ସ୍ଥଳରୁ ଗୁରୁତର ଅବସ୍ଥାରେ ପ୍ରଥମେ ଓଡ଼ଗାଁ ପରେ ନୟାଗଡ଼ ଡାକ୍ତରଖାନାକୁ ନିଆଯାଇଥିଲା । ଡାକ୍ତର ସେଠାରେ ତାକୁ ମୃତ୍ୟୁ ଘୋଷଣା କରିଥିଲା । ନୟାଗଡ଼ ଶବ ଗୃହରେ ନାବାଳକର ମୃତ ଶରୀର ରଖାଯାଇଛି । ଶୁକ୍ରବାର ଦିନ ବ୍ୟବଛେଦ କରାଯିବ । ଅନ୍ୟ ପକ୍ଷରେ ଦୁର୍ଘଟଣା ଘଟାଇଥିବା ଟ୍ରକ୍ଟରକୁ ନେଇ ଚାଳକ ଫେରାର ହୋଇଯାଇଛି ।
