ନୟାଗଡ଼, (ବାଘୁଆବାର୍ତ୍ତା) : କଣ୍ଟିଲୋ କଂସାରୀ ସମାଜ କେନ୍ଦ୍ରାଞ୍ଚଳ ଶାଖାର କଣ୍ଟିଲୋ ବାପୁଜିନଗରଠାରେ ଥିବା ସଭାଗୃହ ପଛପଟ ରାସ୍ତା ଅବରୋଧ ହୋଇଥିବା ଅଭିଯୋଗ ହୋଇଛି । ସୂଚନାନୁସାରେ,୨୫ ବର୍ଷ ହେବ ନିର୍ମାଣ ହୋଇଥିବା କଂସାରୀ ସମାଜର ଏହି ଗହଟି ବିଭିନ୍ନ ସମୟରେ ବିଧାୟକ, ରାଜ୍ୟସଭା ସାଂସଦ, ଲୋକସଭା ସାଂସଦଙ୍କ ଅନୁଦାନ ରାଶି ଏବଂ କେନ୍ଦ୍ରାଞ୍ଚଳ ଶାଖା ସଂଗଠନର ଅନୁଦାନ ରାଶି ପାଇବା ସହ ଏହାର ବିକାଶ ହୋଇଛି । ଫଳରେ ଏହି ସଭାଗୃହକୁ ସ୍ଥାନୀୟ ସଂଗଠନ ସହ ବିଭିନ୍ନ ସମୟରେ ବିଧାୟକ ଓ ସାଂସଦମାନେ ମଧ୍ୟ ସଭା କାର୍ଯ୍ୟରେ ବ୍ୟବହାର କରିଥାନ୍ତି । ସ୍ଥାନୀୟ ଲୋକେ ମଧ୍ୟ ଏହାକୁ ସାମାଜିକ କାର୍ଯ୍ୟ ତଥା ବିବାହ, ନିର୍ବନ୍ଧ ତଥା ଶୁଦ୍ଧିକ୍ରିୟାରେ ବ୍ୟବହାର କରନ୍ତି । ମାତ୍ର ଏହାର ପଛପାଖ କଣ୍ଟିଲୋ ଗ୍ରାମର ଯୁଦ୍ଧିଷ୍ଟିର ସାହୁଙ୍କ ପୁତ୍ର ମାଧବଚନ୍ଦ୍ର ସାହୁ ଜବରଦଖଲ କରିଥିବା ଅଭିଯୋଗ ହୋଇଛି । ସ୍ଥାନୀୟ ଗରିବ ଲୋକଙ୍କୁ ଟଙ୍କା ଲୋଭ ଦେଖାଇ ସଭାଗୃହର ପଛପଟେ ମାଟି, ଇଟା ଗଦାଇ ବାଡ଼ ପକାଇଥିବା ଅଭିଯୋଗ ହୋଇଛି । ଏନେଇ ପୂର୍ବରୁ ତଦସିଲଦାର ଏବଂ ପୁଲିସରେ ଅଭିଯୋଗ କରାଯାଇଥିବାରୁ ତଦସିଲାଦର କାମ ବନ୍ଦ କରିବା ପାଇଁ ତାଗିଦ କରିଥିଲେ । ହେଲେ ତାଗିଦ୍କୁ ଖାତିର ନକରି ସଂପୃକ୍ତ ବ୍ୟକ୍ତି ଅବରୋଧ କରିଥିବା ନେଇ ଉପଜିଲ୍ଲାପାଳ ଓ ଆରକ୍ଷୀ ଅଧିକ୍ଷକଙ୍କୁ ବୁଧବାର ଅଭିଯୋଗ ହୋଇଛି ।
