ପ୍ରତ୍ୟହ ତୁଳସୀ, ରାଶିଲଡ଼ୁ ଖାଆନ୍ତୁ
ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ସରସ୍ୱତୀ ଶିଶୁ ବିଦ୍ୟାମନ୍ଦରର ରୈାପ୍ୟ ଜୟନ୍ତୀ ଦ୍ୱିତୀୟ ଦିବସର ସମାରୋହରେ ମୁଖ୍ୟବକ୍ତା ଶ୍ରୀ ସ୍ୱାମୀ ସମର୍ପଣାନନ୍ଦ ଗିରି ମହାରାଜା ତାଙ୍କ ଅଭିଭାଷଣରେ ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁଙ୍କୁ ବନ୍ଧୁତ୍ୱର ହାତ ବଢ଼ାଇବା ସହ ନିଜେ ବନ୍ଧୁତ୍ୱର ସ୍ୱୀକାର କଲି ବୋଲି କହିଛନ୍ତି । ମାଆଙ୍କୁ ସମ୍ମାନ ଦେବା ଛାତ୍ରଛାତ୍ରୀମାନଙ୍କର ନିହାତି ଆବଶ୍ୟକ ରହିଛି ବୋଲି କହିଥିଲେ । ଗୋଟିଏ ମୁଦ୍ରାର ଦୁଇଟି ପାଶ୍ୱର୍ ହେଉଛନ୍ତି ବାପା, ମାଆ ବୋଲି କହିବା ସହ ବାପା ଗୋଟିଏ ପାଶ୍ୱର୍ ହେଲେ ମାଆ ସମାଜର ଚର୍ତୁପାଶ୍ୱ । ମାଆଟିଏ ଚାହିଁଥିଲା ବୋଲି କୋଣାର୍କ ନିର୍ମାଣ ହୋଇଛି । ମାଆ ନିର୍ଦ୍ଦେଶ ଦେଇଥିଲେ ବଣକୁ ଯାଆ, ପର ମୂହୂର୍ତ୍ତରେ ପୁଅ ପୁରୁଷୋତ୍ତମ ହେଲା ବୋଲି ସେ କହିଛନ୍ତି । ଏଥି ସହିତ ଛାତ୍ରଛାତ୍ରୀଙ୍କର ଆହାର ଶୁଦ୍ଧି କଲେ ବିଚାର ଶୁଦ୍ଧି ହେବ ବୋଲି ବକ୍ତବ୍ୟ ରଖିଥିଲେ । ମାଆମାନେ ପିଲାକୁ ପ୍ରତ୍ୟେକ ଦିନ ଗୋଟିଏ ତୁଳସୀ ପତ୍ର ଏବଂ ମେଧାବୀ ହେବା ପାଇଁ ରାଶିଲଡ଼ୁ ଖାଇବାକୁ ଦେବାକୁ ପରାମର୍ଶ ଦେଇଥିଲେ ।
