ମା ଭଗବତୀ ବିକାଶ ପରିଷଦର ବାର୍ଷିକ ଉତ୍ସବ

ନୟାଗଡ଼, (ବାଘୁଆବାର୍ତ୍ତା) : ଭୂବନେଶ୍ୱର ସ୍ଥିତ ମା ଭଗବତୀ ବିକାଶ ପରିଷର ତ୍ରୟୋଦଶତମ ବାର୍ଷିକ ଉତ୍ସବ ଭଂଜ କଳାମଣ୍ଡପରେ ଅନୁଷ୍ଠିତ ହୋଇଯାଇଛି । ଉତ୍ସବରେ ବିଚାରପତି ଦିପକ ମିଶ୍ର, ପୂର୍ବତନ ସାଂସଦ ପ୍ରସନ୍ନ କୁମାର ପାଟ୍ଟଶାଣୀ, ପୂର୍ବତନ ମନ୍ତ୍ରୀ ଦେବନ୍ଦ୍ରେ ନାଥ ମାନସିଂ, ପୂର୍ବତନ ବିଧାୟକ ରଘୁନାଥ ସାହୁ ପ୍ରମୂଖ ଯୋଗ ଦେଇଥିଲେ । ଉକ୍ତ ଉତ୍ସବରେ ରାଷ୍ଟ୍ରପତି ଓ ରାଜ୍ୟପାଳ ପୁରସ୍କାର ପ୍ରାପ୍ତ ପ୍ରଧାନ ଶିକ୍ଷକ ରବୀନ୍ଦ୍ର ନାଥ ପ୍ରଧାନଙ୍କ ସ୍ୱରଚିତ ସାତ ଗୋଟି ପୁସ୍ତକ ଉନ୍ମୋଚିତ ହୋଇଯାଇଛି । ଏଥି ମଧ୍ୟରେ ଗାନ୍ଧୀ ଦେବତା, ଗାନ୍ଧୀ ଉପଦେଶା ବଳୀ, ମୁଁ ରାଜା ହେବିନି କି ମନ୍ତ୍ରୀ ହେବିନି ହେବି ବାବାଜି, କୁନାକୁନିଙ୍କ ଗଳ୍ପମାଳା, ଟିକିଟିକି କଥାର ମହକ ପ୍ରଥମ ଖଣ୍ଡ ଓ ଦ୍ୱିତିୟ ଖଣ୍ଡ ପୁସ୍ତକ ଉନ୍ମୋଚିତ ହୋଇଯାଇଛି । ରବୀନ୍ଦ୍ର ନାଥ ପ୍ରଧାନ ନୟାଗଡ଼ ସହର ପୋଲିସ କଲୋନୀ ବାସିନ୍ଦା ବୋଲି ଜଣାପଡ଼ିଛି । ତାଙ୍କର ସାତଖଣ୍ଡ ପୁସ୍ତକ ଉନ୍ମୋଚନ ପରେ ତାଙ୍କ ପୈାତ୍ରୁକ ଗ୍ରାମ ବାଣପୁର ଏବଂ ନୟାଗଡ଼ରେ ଖୁସିର ଲହରୀ ଖେଳି ଯାଇଛି । ଏଥିସହିତ ଡ ପ୍ରକାଶ ଚନ୍ଦ୍ର ପାତ୍ରଙ୍କ ପୁସ୍ତକ ଆମେରିକା ଓ କାନାଡ଼ ଭ୍ରମଣର ଦିନଲିପି ଉକ୍ତ ଉତ୍ସବରେ ଉନ୍ମୋଚିତ ହୋଇଯାଇଛି ।