ଆରମ୍ଭରୁ ଫେଲ୍ ମାରିଲେ ବିରୋଧି

ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରେ ପଞ୍ଚାୟତ ନିର୍ବାଚନରେ ବିଜେଡି ବାଜିମାତ କରିଥିବା ବେଳେ ବିରୋଧି ଏକ ରକମ ଫେଲ ମାରିଥିଲେ । ପୈାର ନିର୍ବାଚନରେ ମଧ୍ୟ ସମାନସ୍ଥିତି ଦେଖିବାକୁ ମିଳିଛି । ଉଭୟ ବିଜେପି ଏବଂ କଂଗ୍ରେସ ସବୁ ଆସନରେ ପ୍ରାର୍ଥୀ ଦେଇ ପାରି ନାହାନ୍ତି । ନୟାଗଡ଼ରେ ବିଜେପି ଗୋଟିଏ ୱାର୍ଡ଼ରେ ପ୍ରାର୍ଥୀ ଦେଇ ପାରିନଥିବା ବେଳେ କଂଗ୍ରେସ ୭ଟି ୱାର୍ଡ଼ରେ ପ୍ରାର୍ଥୀ ଦେଇ ପାରି ନାହିଁ । ଖଣ୍ଡପଡ଼ାରେ ବିଜେପି ସବୁ ଆସନରେ ପ୍ରାର୍ଥୀ ଏବଂ ଅଧ୍ୟକ୍ଷା ପ୍ରାର୍ଥୀ ଦେଇଥିବା ବେଳେ କଂଗ୍ରେସ ମାତ୍ର ୨ଟି ୱାର୍ଡ଼ କାଉନସିଲର ପାଇଁ ପ୍ରାର୍ଥୀ ଦେଇଛି । ଦଶପଲ୍ଲାରେ ବିଜେପି ସବୁ ୱାର୍ଡ଼ରେ ପ୍ରାର୍ଥୀ ଦେଇନଥିବା ବେଳେ କଂଗ୍ରେସ ଆଦୈା ପ୍ରାର୍ଥୀ ଦେଇନଥିବା ଜଣାଯାଇଛି । ନୟାଗଡ଼ ୫ ନମ୍ବର ୱାର୍ଡ଼ କାଉନସିଲର ପଦବୀ ପାଇଁ ବିଜେଡି ବ୍ୟତୀତ ଅନ୍ୟ କାହାର ପ୍ରାର୍ଥୀ ନରହିବା ବିରୋଧିଙ୍କ ପାରିବା ପଣିଆକୁ ପଦାରେ ପକାଇଛି ।