ରାସ୍ତାକୁ ନେଇ ଉତେଜନା

ନୟାଗଡ଼, (ବାଘୁଆବାର୍ତ୍ତା): ଖଣ୍ଡପଡା ବ୍ଳକ ଅଧିନ ମର୍ଦ୍ଦରାଜପୁର ନୂଆସାହି ବସ୍ତିକୁ ସଂଯୋଗ କରୁଥିବା ମୁଖ୍ୟ ରାସ୍ତାକୁ ନିର୍ମାଣକୁ କେନ୍ଦ୍ର କରି ପୁଣି ମଙ୍ଗଳବାର ଦିନ ଉତ୍ତେଜନା ଦେଖା ଦେଇଛି । ମଙ୍ଗଳବାର ସକାଳ ୮.୩୦ ମିନିଟ ସମୟରେ ଖଣ୍ଡପଡା ତହସିଲଦାର ହାତ ଗଣତି କେତେକ ପୋଲିସ କର୍ମଚାରୀଙ୍କ ସହ ଏକ ଜେସିବ ମେସିନ ନେଇ ନିର୍ମାଣଧିନ ଉକ୍ତ ରାସ୍ତା ନିକଟରେ ପହଁଚିଥିଲେ । ତହସିଲଦାରଙ୍କ ନିର୍ଦ୍ଦେଶ କ୍ରମେ ଜେସିବ ମେସିନ ଯୋଗେ ରାସ୍ତା ଉପରୁ ମୋରମ ଉଠାଯାଉଥିବା ବେଳେ ଖବର ପାଇ ମର୍ଦ୍ଦରାଜପୁର ନୂଆସାହିର ଶତାଧିକ ଜନସାଧାରଣ ଉକ୍ତ ସ୍ଥାନରେ ପହଁଚି ରାସ୍ତା ଉପରୁ ମୋରମ ଓ ବାଲି ଉଠାଇବାକୁ ତୀବ୍ର ବିରୋଧ କରିବା ସହ ତହସିଲଦାର ଓ ଅତିରିକ୍ତ ତହସିଲଦାରଙ୍କୁ ଅଟକ ରଖିଛନ୍ତି । ଖବର ପାଇ ଖଣ୍ଡପଡା ଥାନା ଆଇଆଇସି ବିମଳ କୁମାର ମଲ୍ଲିକ ନୟାଗଡ଼ ଉପଜିଲ୍ଲାପାଳ ଲଗ୍ନିଜିତ ରାଉତ ଘଟଣା ସ୍ଥଳକୁ ଯାଇ ଲୋକଙ୍କୁ ବୁଝାଶୁଝା କରିବାକୁ ଚେଷ୍ଟା କରିଥିଲେ ମଧ୍ୟ ତାହା ସଫଳ ହୋଇପାରି ନାହିଁ । ଏନେଇ ଉପଜିଲ୍ଲାପାଳଙ୍କ କହିବା ମୁତାବତ, ଲୋକମାନେ ତାଙ୍କ ଜିଦରେ ଅଟଳ ରହିବାରୁ କୈାଣସି ନିର୍ଜ୍ଜାସ ବାହାରି ପାରି ନାହିଁ ।