ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ସହରରେ ଜଣେ ଯୁବତୀଙ୍କୁ ଦୁଷ୍କର୍ମ ଅଭିଯୋଗରେ ଦୁଷ୍କର୍ମକାରୀ ଶିକ୍ଷକଙ୍କୁ ପୁଲିସ ଗିରଫ କରିଥିବା ବେଳେ ଆଜି କୋର୍ଟ ଚାଲାଣ କରିଛି । ଅଭିଯୁକ୍ତ ଶିକ୍ଷକ ଜଣଙ୍କ ହେଲେ ଶରଣକୂଳ ଥାନା ଡମସାହିର ରଂଜନ କୁମାର ପ୍ରଧାନ । ସୂଚନାନୁସାରେ, ରଂଜନ ନୟାଗଡ଼ ସଦର ବ୍ଲକ କରଡ଼ାବଣି ପ୍ରାଥମିକ ବିଦ୍ୟାଳୟରେ ଶିକ୍ଷକତା କରୁଥିବା ବେଳେ ନୟାଗଡ଼ ସହର ମଧୁସୂଦନ ନଗରରେ ରହୁଥିଲେ । ରଂଜନ ନୟାଗଡ଼ ସହରର ଜଣେ ଅବସର ପ୍ରାପ୍ତ ଶିକ୍ଷକଙ୍କ ସହ ବନ୍ଧୁତା କରିବା ସହ ତାଙ୍କ ଘରକୁ ଯାଆସ କରୁଥିଲେ । ଫଳରେ ଏହି ଅବସର ପ୍ରାପ୍ତ ଶିକ୍ଷକଙ୍କ ଝିଅ ସହ ରଂଜନ ଘରେ କେହି ନଥିବାର ସୁଯୋଗ ନେଇ ବାରମ୍ବାର ଦୁଷ୍କର୍ମ କରିଥିବା ନୟାଗଡ଼ ଟାଉନଥାନାରେ ଅଭିଯୋଗ ହୋଇଥିଲା । ଯୁବତୀ ଜଣଙ୍କୁ ଘଟଣା ଲୁଚାଇବାକୁ ଧମକ ଦେଇ ରଂଜନ ବାରମ୍ବାର ତାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏପରିକି ଜୀବନରୁ ମାରି ଦେବାକୁ ଧମକ ଦିଆଯାଇଥିବାରୁ ପୁଲିସ ଘଟଣାକୁ ଗୁରୁତର ସହ ନେଇ ନୟାଗଡ଼ ଏସଡିପିଓ ନୀରଜଂନ ପାଢ଼ୀ ଏହାର ତଦନ୍ତ କରିଥିଲେ । ଗତକାଲି ରଂଜନଙ୍କୁ ଗିରଫ କରାଯାଇଥିବା ବେଳେ ଆଜି ଉଭୟଙ୍କର ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଡାକ୍ତରୀମାଇନା କରାଯାଇଛି । ଅଭିଯୁକ୍ତ ରଂଜନକୁ ନୟାଗଡ଼ ପୁଲିସ କୋର୍ଟ ଚାଲାଣ କରିଛି ।
ଦୁଷ୍କର୍ମକାରୀ ଶିକ୍ଷକ କୋର୍ଟ ଚାଲାଣ
