ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ପ୍ରଶାସନ ଓ ରାଜ୍ୟ ଦକ୍ଷତା ବିକାଶ ପ୍ରାଧିକାରୀଙ୍କ ମିଳିତ ସହଯୋଗରେ ସ୍ଥାନୀୟ ପୁଲିସ ଟ୍ରେନିଂ ପଡ଼ିଆଠାରେ ନିଯୁକ୍ତିମେଳା ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷା ବୈଜୟନ୍ତିମାଳା ମହାନ୍ତି ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ନୟାଗଡ଼ ଆରକ୍ଷୀ ଅଧିକ୍ଷକ ଶଶୀଭୂଷଣ ଶତପଥୀ, ରାଜ୍ୟ ପର୍ଯ୍ୟବେକ୍ଷକ ଏସ.ଡି ରାୟ, ପ୍ରକଳ୍ପ ନିର୍ଦ୍ଦେଶକ ସୁବାସ ଚନ୍ଦ୍ର ରାୟ, ନୟାଗଡ଼ ବ୍ଲକ ବିଡିଓ ମନୋଜ କୁମାର ପାତ୍ର, ଜିଲ୍ଲା ନିୟୋଜନ ଅଧିକାରୀ ଦୁର୍ଗାଚରଣ ଦାଶ ଯୋଗ ଦେଇଥିଲେ । ଜିଲ୍ଲା ସୂଚନା ଓ ଲୋକ ସଂମ୍ପର୍କ ଅଧିକାରୀ ଡ. ପ୍ରମୋଦ କୁମାର ନାୟକ ସଭାପତିତ୍ୱରେ ଏହି ସଭା ଅନୁଷ୍ଠିତ ହୋଇଥିଲା । ଦକ୍ଷତା ବିକାଶ କାର୍ଯ୍ୟକ୍ରମ ପାଇଁ ରାଜ୍ୟ ସରକାର ଭାରତ ବର୍ଷରେ ଦୁଇ ଦୁଇଥର ପୁରସ୍କୃତ ହୋଇଛନ୍ତି । ଆଜିର ନିଯୁକ୍ତି ମେଳାରେ ସ୍ୱାସ୍ଥ୍ୟ, ବୟନ ଶିଳ୍ପ, ରକ୍ଷାକାରୀ, କେଫ୍ ଏବଂ କଫି, ମାର୍କେଟିଂ ପରି ୧୫ଟି ଅନୁଷ୍ଠାନ ତୁରନ୍ତ ନିଯୁକ୍ତି ଦେବାର ଲକ୍ଷ୍ୟ ରକ୍ଷା ଯାଇଥିବା ବେଳେ ୧୧ ଗୋଟି ଷ୍ଠଲରେ ବିଭିନ୍ନ କମ୍ପାନୀର ଏଜେନ୍ସି ଯୋଗ ଦେଇଛନ୍ତି । ସରକାର ଏହି ଯୋଜନାରେ ବେକାର ଯୁବକ ଯୁବତୀମାନେ କିପରି ଆତ୍ମ ନିର୍ଭରଶୀଳ ହୋଇପାରିବେ । ରାଜ୍ୟ ତଥା ରାଜ୍ୟ ବାହାରେ ନିଯୁକ୍ତି ହୋଇପାରିବେ ଅତିଥିମାନେ ମତ ଦେଇଥିଲେ ।
