ଜିଲ୍ଲା ମୁଖ୍ୟ ଚିକିତ୍ସାଳୟରୁ ଛୁଆ ବିକ୍ରି

ନୟାଗଡ଼,(ବାଘୁଆବାର୍ତ୍ତା): ଜିଲ୍ଲା ମୁଖ୍ୟ ଚିକିତ୍ସାଳୟରେ ଛୁଆ ବିକ୍ରି ହୋଇଥିବା ଛୁଆର ବାପା ଅଭିଯୋଗ କରିଛନ୍ତି । ନୟାଗଡ଼ ବ୍ଲକ ଇଟାମାଟି ଥାନା ନୋତର ଗ୍ରାମର ରବି ସ୍ୱାଇଁ ଦାୟିତ୍ୱରେ ଥିବା ଦିଦିଙ୍କ ନାମରେ ଅଭିଯୋଗ ଆଣିଛନ୍ତି । ଗତ ୨୮ ତାରିଖ ଦିନ ରବିଙ୍କ ପôତୀ ଜଲି ସ୍ୱାଇଁ ଆଶାଦିଦିଙ୍କ ସହ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆସିଥିଲେ । ଏଠାରେ ପୁଅଟିଏ ଜନ୍ମ ଦେବା ପରେ ଘରକୁ ଖାଲି ହାତରେ ଫେରିଥିଲେ । ଜଲି ଏକାକୀ ବେଡରେ ଥିବା ବେଳେ ଦାୟିତ୍ୱରେ ଥିବା ଦିଦି ଛୁଆକୁ ଟୀକା ଦେବା ବାହାନାରେ ନେଇ ବିକ୍ରି କରି ଦେଇଥିବା ଅଭିଯୋଗ ହୋଇଛି । ୨୮ ତାରିଖଠାରୁ ଲଗାତର ଭାବେ ରବି ଏବଂ ଜଲି ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆସି ଉକ୍ତ ଦିଦିଙ୍କୁ ଖୋଜୁଥିଲେ ମଧ୍ୟ ତାଙ୍କର ସନ୍ଧାନ ପାଇନଥିବା କହିଛନ୍ତି । ଆଜି ରବି ଏହାକୁ ନେଇ ଡାକ୍ତରଖାନାରେ ଅନ୍ୟମାନଙ୍କୁ ଜଣାଇବା ପରେ ଘଟଣାକୁ ନେଇ ଚାପା ଉତ୍ତେଜନା ସୃଷ୍ଟି ହୋଇଥିଲା । ରବି ଏନେଇ ଥାନାରେ ଅଭିଯୋଗ କରିବା ପରେ ପୁଲିସ ଜଲି ଏବଂ ରବିଙ୍କୁ ଥାନାକୁ ନେଇ ତଦନ୍ତ ଆରମ୍ଭ କରିଛି ।