ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ କ୍ଲବ ଦ୍ୱାରା ଆୟୋଜିତ ଭଏସ୍ ଅଫ୍ ନୟାଗଡ଼ ସିଜିନ-୨ରେ ବିଚାରପତି ତଥା ଅତିଥି ଭାବେ ଯୋଗ ଦେଇ ପ୍ରଖ୍ୟାତ କଂଣ୍ଠଶିଳ୍ପୀ ନିଜର ପୁରୁଣା ଅନୁଭୂତିକୁ ଶ୍ରୋତାଙ୍କ ସାମ୍ନାରେ ବଖାଣିବା ସହ ସଂଗୀତଜ୍ଞ ଭାବେ ଜନ୍ମ ନେବା ତାଙ୍କ ପାଇଁ ଆର୍ଶୀବାଦ ବୋଲି କହିଛନ୍ତି । ଏଥି ସହିତ ସାତ ଜନ୍ମପାଇଁ ସେ ସଂଗୀତଜ୍ଞ ଭାବେ ଜନ୍ମ ନେବାକୁ ଭଗବାନଙ୍କ ନିକଟରେ ପାର୍ଥନା କରିଛନ୍ତି । ସୈାରଭ ତାଙ୍କ ଶ୍ରୋତାମାନଙ୍କୁ ଲଭ୍ ଡଟ୍ କମ୍ର ଗୀତ ‘ସବୁ ପାପର ପ୍ରାୟଶ୍ଚିତ ଥାଏ’ ଗାଇ ଶୁଣାଇଛନ୍ତି । ହଜାର ହଜାର ଶ୍ରୋତା ସୈାରଭଙ୍କ କଂଣ୍ଠରୁ ଗୀତ ଶୁଣି ମତୁଆଲା ହେବା ସେ ନିଜ ଜୀବନର ଅନୂଭୂତି ପ୍ରକାଶ କରିଥିଲେ । ୧୯୮୬ ମସିହାରେ ସେ ନିଜ ଗାଁ ଛାଡ଼ି ଭୂବନେଶ୍ୱରକୁ ଶୂନ୍ୟ ହସ୍ତରେ ଆସି ସଂଗୀତ ସାଧନାକୁ ଆଗେଇଥିଲେ । ଏହା ସହିତ ଗୀତ ଓ ନାଚରେ ପଇସା ନଥିବା ବେଳେ ଜନସାଧାରଣଙ୍କ ଭଲପାଇବା ପାଇଁ ସୈାରଭ ପରିଚିତ ବୋଲି କହିଥିଲେ । ନିଜର ବୈବାହିକ ଜୀବନ ସଂମ୍ପର୍କରେ, ପ୍ରେମ କରିଥିଲି ବୋଲି ବାହା ହୋଇପାରିଛି, ନଚେତ ବାହା ହୋଇପାରିନଥାନ୍ତି ବୋଲି ସୈାରଭ ପ୍ରକାଶ କରିଥିଲେ ।
ସାତ ଜନ୍ମ ପାଇଁ ସଙ୍ଗୀତଜ୍ଞ ଭାବେ ଜନ୍ମ ନେବାକୁ ଚାହିଁବି – ସୈାରଭ ନାୟକ
