ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଖଣ୍ଡପଡ଼ା ବ୍ଳକ କାର୍ଯ୍ୟାଳୟ ପରିସରରେ ଭୀମଭୋଇ ଭିନ୍ନକ୍ଷମ ସାମର୍ଥ ଶିବିର ଶୁକ୍ରବାର ଦିନ ଅନୁଷ୍ଠିତ ହୋଇ ଯାଇଛି । ଖଣ୍ଡପଡ଼ା ସହରାଚଂଳ ସମେତ ବ୍ଳକ ଅଧିନ ୨୨ଟି ପଂଚାୟତରୁ ବିଭିନ୍ନ ବର୍ଗର ଭିନ୍ନକ୍ଷମମାନେ ଶିବିରରେ ଉପସ୍ଥିତ ରହି ଅଭିଜ୍ଞ ଡାକ୍ତରମାନଙ୍କ ଦ୍ୱାରା ସ୍ୱାସ୍ଥ୍ୟ ପରୀକ୍ଷା କରିବା ସହ ନାମ ପଞ୍ଜିକରଣ କରିଥିଲେ । ବ୍ଳକ ସାମାଜିକ ସୁରକ୍ଷା ଅଧିକାରୀ ସର୍ବେଶ୍ୱର ପାଣିଗ୍ରାହୀଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଆୟୋଜିତ ଶିବିରରେ ଅସ୍ଥିଶଲ୍ୟ ବିଶେଷଜ୍ଞ ଡଃ ବିଏସ ରାଓ, ଡଃ ଶତ୍ରୁଘ୍ନ ନାୟକ, ଚକ୍ଷୁ ରୋଗ ବିଶେଷଜ୍ଞ ଡଃ ପିପି ସାହୁ, ଇଏନଟି ବିଶେଷଜ୍ଞ ଡଃ ପିତବାସ ନାୟକ ପ୍ରମଖ ଉପସ୍ଥିତ ରହି ଭିନ୍ନକ୍ଷମମାନଙ୍କୁ ଦେଖାଶୁଣା କରିଥିଲେ । ଆୟୋଜିତ ଶିବିରରେ ମସ୍ତିଷ୍କ ବିକୃତ ବର୍ଗର ୫୨ ଜଣ, ଦୃଷ୍ଟିଶକ୍ତି ହୀନ ବର୍ଗର ୬୨ ଜଣ, ଶାରୀରିକ ବିକଳାଙ୍ଗ ବର୍ଗର ୧୭୨ ଜଣ ଓ ଶ୍ରବଣ ଶକ୍ତି ହରାଇଥିବା ୮୮ ଜଣ ବ୍ୟକ୍ତିଙ୍କର ନାମ ପଂଜିକରଣ କରାଯାଇଥିଲା ।
