ମା’ ଫାଉଣ୍ଡେସନ୍ ତରଫରୁ ସଚେତନତା

ନୟାଗଡ଼, (ବାଘୁଆବାର୍ତ୍ତା) : ମା’ ଫାଉଣ୍ଡେସନ୍ ଓ ବର୍ଷା ଡ୍ୟାନ୍ସ ଗ୍ରୁପ ତରଫରୁୁ ଡ୍ୟାନ୍ସ ପ୍ରତିଯୋଗୀ ଏବଂ ସେମାନଙ୍କ ଅଭିଭାବକଙ୍କ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସ୍ଥାନୀୟ ରାମ ମନ୍ଦିର ପ୍ରାଙ୍ଗଣରେ ୩୯ ତମ ବାର୍ଷିକ ଉତ୍ସବ ଉପଲକ୍ଷେ ଅନୁଷ୍ଠିତ କାର୍ଯ୍ୟକ୍ରମରେ ପ୍ରତିଯୋଗୀଙ୍କୁ ସଚେତନତାର ବାର୍ତ୍ତା ଦିଆଯିବା ସହ ଚାରା ବଣ୍ଟନ କରାଯାଇଛି । ୫୦ରୁୁ ଉର୍ଦ୍ଧ ପ୍ରତିଯୋଗୀଙ୍କୁ ଏହି ଚାରା ବଣ୍ଟନ କରାଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପୂର୍ବତନ ନଗରପାଳ ଗୁରପ୍ରସାଦ ଜେନା, ସଭାପତି ଶଂକର୍ଷଣ ବେହେରା, ସଂପାଦକ ବିଜୟ କୁମାର ପରିଡ଼ା ଯୋଗ ଦେଇଥିଲେ । ମା’ ଫାଉଣ୍ଡେସନ୍ ସଂପାଦକ ରଂଜନ ରଶ୍ମୀ ଜେନା କାର୍ଯ୍ୟକ୍ରମକୁ ପରିଚାଳନା କରିଥିଲେ ।