ସାତଦିନ ବ୍ୟାପି ଭଗବତ ସପ୍ତାହ ଅନୁଷ୍ଠିତ

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ସଦରବ୍ଲକ ଅନ୍ତର୍ଗତ ନରସିଂହପ୍ରସାଦ ଗ୍ରାମରେ ସାତଦିନ ଧରି ଚାଲିଥିବା ଭଗବତ ସପ୍ତାହ ଶେଷ ହୋଇଛି । ଏହି ଅବସରରେ ଏକ ସାଧୁ ମିଳନ ଅନୁଷ୍ଠିତ ହେବା ସହ ଧାର୍ମିକ ପରିବେଶରେ ପାରାୟଣ ଅନୁଷ୍ଠିତ ହୋଇଯାଇଛି । ଗ୍ରାମବାସୀଙ୍କ ଉଦ୍ୟମରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ନିମନ୍ତ୍ରିତ ହୋଇ ଆସିଥିବା ସାଧୁ ମାନଙ୍କୁ ବସ୍ତ୍ରଦାନ କରାଯିବା ସହ ଗାଁରେ ଅନ୍ନଛତ୍ରର ବ୍ୟବସ୍ଥା ହୋଇଥିଲା । ଦୀର୍ଘ ସାତ ଦିନ ଧରି ଅନୁଷ୍ଠିତ କାର୍ଯ୍ୟକ୍ରମକୁ ଅଂଚଳ ବାସୀ ବେଶ ଉପଭୋଗ କରିଥିଲେ ।