ଭିଜିଲାନ୍ସ ଦ୍ୱାରା ତହସିଲ କିରାଣୀ ଗିରଫ

ନୟାଗଡ଼, (ବାଘୁଆବାର୍ତ୍ତା) : ଭିଜିଲାନ୍ସ ଜାଲରେ ପଡ଼ିଛନ୍ତି ଖଣ୍ଡପଡ଼ା ତହସିଲ ବରିଷ୍ଠ କିରାଣୀ । ସୂଚନାନୁସାରେ, ଖଣ୍ଡପଡ଼ା ତହସିଲରେ କାର୍ଯ୍ୟରତ ବରିଷ୍ଠ କିରାଣୀ ଦିଗାମ୍ବର ମହାନ୍ତି କଣ୍ଟିଲୋ ଖୁଦବେହେରା ପାଟଣା ଗ୍ରାମର ଅଶୋକ କୁମାର ମହାରଣାଙ୍କ ଏକ ପଟ୍ଟା କରାଇ ଦେବାକୁ ୨ ହଜାର ଟଙ୍କା ନେବା ପରେ ଭିଜିଲାନ୍ସ ଟିମ ଚଢ଼ାଉ କରି ତାଙ୍କୁ ଧରିବା ସହ ଗିରଫ କରିଥିବା ଜଣାପଡ଼ିଛି । ଭିଜିଲାନ୍ସ ଡିଏସପି ଅକ୍ଷୟ କୁମାର ମିଶ୍ରଙ୍କ ନେତ୍ୱରେ ଇନିସ୍ପେକ୍ଟର ମନୋରଂଜନ ପାଇକରାୟ ଏବଂ ଅନ୍ୟ କର୍ମଚାରୀମାନେ ଏହି ଚଢ଼ାଉ କରିଥିଲେ । କଣ୍ଟିଲୋ ଅଂଚଳର ଅଶୋକ କୁମାର ମହାରଣାଙ୍କ ଅଭିଯୋଗ କ୍ରମେ ଭିଜିଲାନ୍ସ ତାଙ୍କୁ ଧରିଥିବା ଜଣାପଡ଼ିଛି । ଏଠାରେ ପ୍ରକାଶ ଯୋଗ୍ୟ ଯେ, ଦିଗାମ୍ବର ରଣପୁର ତହସିଲରେ କାର୍ଯ୍ୟରତ ଥିବା ବେଳେ ଚଳିତ ବର୍ଷ ଜାନୁୟାରୀ ମାସରେ ଲାଂଚ ନେବା ବେଳେ ଭିଜିଲାନ୍ସରେ ଧରା ପଡ଼ିଥିଲେ ।