ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ସଦର ପୁଲିସ୍ ଜଣେ ଚୋରା ମଦ ବ୍ୟବସାୟୀ ଠାରୁ ଫରେନ୍ ଲିକର ସହ ବାଇକ୍ ଜବତ କରିବା ସହ ଚୋରା ବ୍ୟବସାୟୀକୁ ଗିରଫ୍ କରିଛି । ଗିରଫ୍ ହୋଇଥିବା ଚୋରା ମଦ ବ୍ୟବସାୟୀ ଜଣଙ୍କ ହେଲେ ସାନହାମରା ଗ୍ରାମର ସୋମନାଥ ବେହେରା । ସୂଚନାନୁସାରେ, ନୟାଗଡ଼ ସଦରଥାନା ପୁଲିସ୍ ପାଟ୍ରୋଲିଂ କରୁଥିବା ସମୟରେ ସନ୍ଦେହରେ ବାଲୁଗାଁ ନିକଟସ୍ଥ ଜୟମଙ୍ଗଳ ପ୍ରସାଦ ଛକ ଠାରେ ଗାଡ଼ି ଯାଞ୍ଚଞ୍ଚ କରୁଥିଲା । ସେହି ସମୟରେ ସାନହାମରା ଗ୍ରାମର ସୋମନାଥ ମଟରସାଇକେଲ ନଂ(ଓଡି୨୫କେ ୯୮୬୦)ରେ ଚୋରା ମଦ ନେଇ ଯାଉଥିବା ଯାଞ୍ଚରୁ ଜଣାପଡିଥିଲା । ଘଟଣାସ୍ଥଳରୁ ଗାଡ଼ି, ୪୫ବୋତଲ ଫରେନ୍ ଲିକର ଜବତ କରିବା ସହ ଥାନାକୁ ଆଣି ଥାନାରେ କେସ୍ ନଂ-୧୮୬/୨୦୨୧ରେ ଏକ ମାମଲା ରୁଜୁକରି କୋର୍ଟ ଚାଲାଣ କରାଯାଇଛି ବୋଲି ସଦରଥାନା ଅଧିକାରୀ ଦୀପକ୍ କୁମାର ଖଣ୍ଡାୟତରାୟ ସୂଚନା ଦେଇଛନ୍ତି ।
