ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଶରଣକୂଳ ରାସ୍ତାର କଟରାଝରୀ ବନ୍ଧଠାରେ ଏକ ଘରୋଇ ଆମ୍ବୁଲାନ୍ସ ଧକ୍କାରେ ଦୁଇ ଜଣ ଗୁରତର ହୋଇଛନ୍ତି । ସେମାନେ ହେଲେ ମଗରବନ୍ଧ ଗ୍ରାମର ଖଦାଳ ନାୟକ ଏବଂ ଗୁଣ୍ଡରିବାରି ଗ୍ରାମର ଦୋସେଇ ବାରିକ । ସୂଚନାନୁସାରେ, ଖଦାଳ ଗାଡ଼ି ପଲ୍ୟୁସନ ପରୀକ୍ଷା ପାଇଁ ଶରଣକୂଳ ଯାଇ ଫେରୁଥିବା ବେଳେ ଦୋସେଇ ତାଙ୍କ ସହ ଫେରୁଥିବା ବେଳେ କଟରାଝରୀଠାରେ ପେଟ୍ରୋଲ ପମ୍ପଠାରେ ତେଲ ପକାଇ ବାହାରକୁ ଆସିବା ବେଳକୁ ଏକ ଘରୋଇ ଆମ୍ବୁଲାନ୍ସ ତାଙ୍କୁ ସାମନା ପଟୁ ଧକ୍କା ଦେଇଥିଲା । ଘଟଣାସ୍ଥଳରୁ ସ୍ଥାନୀୟ ଲୋକେ ଦୁଇଜଣଙ୍କ ଉଦ୍ଧାର କରି ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତୀ କରିଥିବା ବେଳେ ପୁଲିସ ଘଟଣାର ତଦନ୍ତ ଆରମ୍ଭ କରିଛି ।
