ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଇଟାମାଟି ଥାନା ଅନ୍ତର୍ଗତ ଏକ ଗ୍ରାମର ଜଣେ ନାବାଳିକାକୁ ଅପହରଣ ଅଭିଯୋଗରେ ପୁଲିସ ନାବାଳିକାକୁ ଉଦ୍ଧାର କରିଥିବା ବେଳେ ଅପହରଣବକାରୀକୁ ଥାନାରେ ଅଟକ ରଖିଛି । ସୂଚନାନୁସାରେ, ଏକ ଗ୍ରାମର ଜଣେ ନାବାଳିକା ନିଜ ପରିବାର ସହ ଘରେ ଶୋଇଥିବା ବେଳେ ସେହି ଗ୍ରାମର ଜଣେ ଯୁବକ ଅନ୍ୟ କିଛି ଯୁବକଙ୍କୁ ସାଙ୍ଗରେ ନେଇ ବିଳମ୍ବିତ ରାତିରେ ନାବାଳିକାଙ୍କ ଘରେ ପଶି ତାକୁ ଅପହରଣ କରି ନେଇଥିଲେ । ଏନେଇ ନାବାଳିକାର ବାପା ଇଟାମାଟି ଥାନାର ଦ୍ୱାରସ୍ଥ ହେବା ପରେ ପୁଲିସ ନାବାଳିକାକୁ ଅପହରଣକାରୀ କବଳରୁ ଉଦ୍ଧାର କରିଥିବା ଜଣାପଡ଼ିଛି । ଏହି ଘଟଣାର ମୁଖ୍ୟ ଅଭିଯୁକ୍ତ ମୁନା ସୁବୁଦ୍ଧିକୁ ଥାନାରେ ଅଟକ ରଖିଛି । ଏନେଇ ପୁଲିସ ପକ୍ଷରୁ ୧୬୫/୧୯ରେ ଏକ ମାମଲା ରୁଜୁ କରିଛି । ଆସନ୍ତା କାଲି ଉଭୟଙ୍କ ଡାକ୍ତରୀମାଇନା କରାଯିବ ବୋଲି ଜଣାପଡ଼ିଛି ।
