ଗଣିଆ, ଦଶପଲ୍ଲା, (ବାଘୁଆବାର୍ତ୍ତା) : ପୂର୍ବତନ ସାଂସଦ ତଥା ଦଶପଲ୍ଲା ନିର୍ବାଚନ ମଣ୍ଡଳୀର ବରିଷ୍ଠ ନେତା ସ୍ୱର୍ଗତ ରୁଦ୍ରମାଧବ ରାୟଙ୍କର ୮୩ ତମ ଜନ୍ମ ବାର୍ଷିକୀ ଉତ୍ସବ ଗଣିଆ ଗାନ୍ଧୀ ମଣ୍ଡପ ଏବଂ ଦଶପଲ୍ଲା ମହିଳା ମହାବିଦ୍ୟାଳୟଠାରେ ପାଳିତ ହୋଇଯାଇଛି । ବଜାରରେ ଥିବା ତାଙ୍କ ପ୍ରତିମୂତ୍ତିରେ ଗଣିଆ ଅଞ୍ଚଳର ବରିଷ୍ଠ ନାଗରିକ ସଂସାରୀ ରାଉତ ପୂଷ୍ପ ମାଲ୍ୟା ଅର୍ପଣ କରିଥିଲେ । ରୁଦ୍ରମାଧବଙ୍କର ଗଣିଆ ଓ ଦଶପଲ୍ଲା ପାଇଁ ଅନେକ ଅବଦାନ ଥିବାରୁ ସେ ଜଣେ ଅଦ୍ୱିତୀୟ ନେତା ଭାବେ ଜଣାଶୁଣା ଥିବା ପୂର୍ବତନ ସରପଞ୍ଚ ବ୍ରଜମୋହନ ମିଶ୍ର ପ୍ରକାଶ କରିଥିଲେ । ଆଜିର ଏହି କାର୍ଯ୍ୟକ୍ରମରେ ଜିଲ୍ଲା ପରିଷଦ ସଭ୍ୟ ମହେଶ୍ୱର ମହାରଣା, ପୂର୍ବତନ ସରପଞ୍ଚ ବ୍ରଜ ମୋହନ ମିଶ୍ର, ଗଣିଆ ବଜାର ସଂଘର ସମ୍ପାଦକ ପ୍ରଭାତ କୁମାର ଦାଶ, ଅଜୟ କୁମାର ଲେଙ୍କା, ବେଲପଡା ସରପଞ୍ଚଙ୍କ ପ୍ରତିନିଧି ସନ୍ତୋଷ କୁମାର ମହାଳିକଙ୍କ ସମେତ ପ୍ରାୟ ୫୦ରୁ ଅଧିକ ରୁଦ୍ରପ୍ରେମୀ ଏକାଠି ହୋଇଥିଲେ । ସେହିଭଳି ଦଶପଲ୍ଲାରେ ମଧ୍ୟ ସ୍ୱର୍ଗତ ରାୟଙ୍କର ଜନ୍ମ ଜୟନ୍ତୀ ପାଳନ କରାଯାଇଛି । ଏହି ଅବସରେ କୃଷ୍ଣପ୍ରିୟା ମହିଳା ମହାବିଦ୍ୟାଳୟର ଛାତ୍ରୀମାନେ ବିରାଟ ଶୋଭାଯାତ୍ରା କରିବା ସହ କଲେଜ ପରିସରରେ ଏକ ରକ୍ତଦାନ ଶିବିର ଆୟୋଜିତ ହୋଇଥିଲା । ନୟାଗଡ଼ ରକ୍ତ ଭଣ୍ଡାର କର୍ମଚାରୀମାନେ ଏଠାରୁ ୬୨ ୟୁନିଟ ରକ୍ତ ସଂଗ୍ରହ କରିଛନ୍ତି । ଏହି କାର୍ଯ୍ୟକ୍ରମରେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ମହାବିଦ୍ୟାଳୟ ଅଧ୍ୟକ୍ଷା ପୂର୍ଣ୍ଣମାସୀ ଦେବୀ, ଅଧ୍ୟାପକ ଧିରେନ୍ଦ୍ର କୁମାର ମହାରଣା, ଯୋଗେସ ବେହେରା, ଅଜୟ କୁମାର ମହାରଣା ପରିଚାଳନା କରିଥିଲେ ।
