ନୟାଗଡ଼, (ବାଘୁଆବାର୍ତ୍ତା): ସକାଳର ତାଜା ଖବର । ନୟାଗଡ଼ ବନଖଣ୍ଡକୁ ଆସିଲେ ନୂତନ ବନଖଣ୍ଡ ଅଧିକାରୀ । ଆଇଏଫଏସ୍ ଧନରାଜ ଏଚଡିଙ୍କ କିଛିମାସ ତଳେ କେନ୍ଦୁଝର ଜିଲ୍ଲାକୁ ବଦଳି ହୋଇଥିବା ବେଳେ ଖୋର୍ଦ୍ଧା ବନଖଣ୍ଡ ଅଧିକାରୀ ପୂର୍ଣ୍ଣିମା ପାଣ୍ଡିଆନ ନୟାଗଡ଼ ବନଖଣ୍ଡର ଅତିରିକ୍ତ ଦାୟୀତ୍ୱ ନେଇଥିଲେ । ହେଲେ ରାଜ୍ୟ ସରକାରଙ୍କ ପକ୍ଷରୁ ଆଜି ଡିଏଫଓ ମାନଙ୍କ ମଧ୍ୟରେ ଛୋଟ ଧରଣର ବଦଳି ହୋଇଥିବା ନେଇ ବିଜ୍ଞପ୍ତି ପ୍ରକାଶ ପାଇଛି । ରାଜ୍ୟ ସରକାରଙ୍କ ପକ୍ଷରୁ ପ୍ରକାଶ ପାଇଥିବା ବିଜ୍ଞପ୍ତିରେ ଦେଓଗଡ଼ ଡିଏଫଓ ଥିବା ଓଏଫଏସ୍ କ୍ଷମା ଷଡ଼ଙ୍ଗିଙ୍କୁ ବଦଳି କରି ନୟାଗଡ଼ ଡିଏଫଓ ଭାବେ ନିଯୁକ୍ତ କରାଯାଇଥିବା ବେଳେ ଅନୁଗୁଳ ଡିଏଫଓ ଥିବା ୨୦୧୬ ବ୍ୟାଚର ଆଇଏଫଏସ୍ ପ୍ରଶନ୍ନ କୁମାର ବେହେରାଙ୍କୁ ବଦଳି କରି ନବରଙ୍ଗପୁର ଡିଏଫଓ ଭାବେ ନିଯୁକ୍ତ କରାଯାଇଛି । ସେହିଭଳି ନବରଙ୍ଗପୁର ଡିଏଫଓ ଥିବା ୨୦୧୬ ବ୍ୟାଚର ଆଇଏଫଏସ ମଗର ଧନରାଜି ରାଓସଙ୍କୁ ବଦଳି କରି ଦେଓଗଡ଼ ଜିଲ୍ଲାର ଡିଏଫଓ ଭାବେ ନିଯୁକ୍ତ କରାଯାଇଥିବା ନେଇ ରାଜ୍ୟ ସରକାର ବିଜ୍ଞପ୍ତି ପ୍ରକାଶ କରିଛନ୍ତି ।
