ଚେହେରାରେ ସୈାନ୍ଦ୍ୟର୍ଯ୍ୟ ନଥାଏ : ମନ୍ତ୍ରୀ
ନୟାଗଡ଼, (ବାଘୁଆବାର୍ତ୍ତା ବ୍ୟୁରୋ) : ନୟାଗଡ଼ରେ ଅବସ୍ଥିତ ଅକ୍ସଫୋର୍ଡ଼ ଟିୟୁଟୋରିଆଲ୍ ଓ ଇନ୍ସ୍ପାୟାର କଲେଜର ମିଳିତ ବାର୍ଷିକ ଉତ୍ସବ ‘ଡ୍ରିମ ଫେଷ୍ଟ’ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଉଚ୍ଚ ଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ଯୋଗ ଦେଇ ଜୀବନର ପ୍ରତିଟି ମୂହୂର୍ତ୍ତରେ ପରୀକ୍ଷା ଦିଅ, ସମୟକୁ ନଷ୍ଟ କର ନାହିଁ, ଜୀବନରେ ଅନେକ ଅବଶୋଷ ରହିଯିବ, ବାପା ମାଆ ଓ ଅଭିଭାବମାନେ ଚାହାନ୍ତି ଭଲ ମଣିଷଟିଏ ହୁଅ । ଯେଉଁମାନେ ସମୟକୁ ନଷ୍ଟ କରୁଛନ୍ତି ସେମାନେ ସମୟକୁ ନଷ୍ଟ କରୁଛନ୍ତି, ସେମାନେ ତାଙ୍କ ଜୀବନରେ ଭଲ ମଣିଷ ହୋଇ ପାରିବେ ନାହିଁ । ଯେଉଁଦିନ ଅନ୍ୟ ଦେଶ ମାନଙ୍କୁ ଟପି ଭାରତ ବର୍ଷ ସମୃଦ୍ଧ ହେବ ଆମେ ମାନେ ସେଦିନ ଗର୍ବିତ ହେବା ଓ ଦେଶର ଟେକ ରଖିବା । ଏହା ସମସ୍ତଙ୍କର କର୍ତ୍ତବ୍ୟ ହେଉ ବୋଲି କହିଥିଲେ । ଅନେକ ଦେଶର ଉଦାହରଣ ଦେଇ ଭାରତ ବର୍ଷ କିପରି ସମୃଦ୍ଧ ହେବ ସେଥିପାଇଁ ଆଜିର ଛାତ୍ରଛାତ୍ରୀ ଆଗେଇ ଆସିବା ଦରକାର ବୋଲି ବକ୍ତବ୍ୟରେ କହିବା ସହ ଚେହେରାରେ ସୈାନ୍ଦ୍ୟର୍ଯ୍ୟ ନଥାଏ, ଯିଏ ସମୟକୁ ସଠିକ ବାଟରେ ନେଇ ପାରିଲା ସେଠି ସୈାନ୍ଦର୍ଯ୍ୟ ଆପେ ଆପେ ଆସିଯାଏ ବୋଲି କହିଥିଲେ । ସେହିମାନେ ହେଉଛନ୍ତି ପୂର୍ଣ୍ଣାଙ୍ଗ ମଣିଷ । ଏହି ଅବସରରେ ସ୍ୱାଗତ ଭାଷଣ ରଖିଥିଲେ ସଂଜୟ ପ୍ରଧାନ, ଇନସ୍ପୟାରର ଅଧ୍ୟକ୍ଷ ଚିତ୍ତ ରଂଜନ ପଟ୍ଟନାୟକ, ନିର୍ଦ୍ଦେଶକ ସୁଧିର କୁମାର ମହାନ୍ତି ଉପସ୍ଥିତ ରହି ଛାତ୍ରଛାତ୍ରୀମାନଙ୍କୁ ବକ୍ତବ୍ୟ ରଖିଥିଲେ । ମୁଖ୍ୟ ଅତିଥି ଡ. ସାହୁ କୃତ୍ତି ଛାତ୍ରଛାତ୍ରୀମାନଙ୍କୁ ପୁରସ୍କାର ବିତରଣ କରିଥିଲେ । ଶେଷରେ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
