ନୟାଗଡ଼,(ବାଘୁଆବାର୍ତ୍ତା ବ୍ୟୁରୋ): ନୟାଗଡ଼ ଜିଲ୍ଲା ଶିଶୁ ସୁରକ୍ଷା ୟୁନିଟ୍ ପକ୍ଷରୁ ଜିଲ୍ଲାସ୍ତରୀୟ ପୋଷ୍ୟସନ୍ତାନ ସଚେତନତା ରଥ ଆନୁଷ୍ଠାନିକ ଭାବେ ଉଦଘାଟିତ ହୋଇଯାଇଛି । ଏହି ରଥ ପୋଷ୍ୟସନ୍ତାନ ତଥା ଶିଶୁସୁରକ୍ଷା ଉପରେ ବିଭିନ୍ନ ଗାଁ ଓ ସହରରେ ସଚେତନତା କରାଇବ । ଏହାକୁ ନୟାଗଡ଼ ଅତିରିକ୍ତ ଜିଲ୍ଲାପାଳ ବିଧାନଚନ୍ଦ୍ର ରାୟ, ପ୍ରକଳ୍ପ ନିର୍ଦ୍ଦେଶକ ସୁବାଷ ରାୟ ପ୍ରମୁଖ ଉପସ୍ଥିତ ରହି ଉକ୍ତ ରଥକୁ ଉଦ୍ଘାଟନ କରିଥିଲେ । ଶିଶୁସୁରକ୍ଷା ୟୁନିଟିର କର୍ମକର୍ତ୍ତା ଏଥିରେ ସହଯୋଗ କରିଥିଲେ । ମୁଖ୍ୟତଃ ଶିଶୁମାନଙ୍କର ଆନୁଷ୍ଠାନିକ ଯତ୍ନ ଓ ପ୍ରତିପାଳନ ବ୍ୟବସ୍ଥା, ନିରାପଦମୁକ୍ତ ଆଶ୍ରୟସ୍ଥଳି, ଶିଶୁମାନଙ୍କୁ ପୁଷ୍ଟପୋଷକତା, ପୋଷ୍ୟ ସନ୍ତାନ ଗ୍ରହଣ ବ୍ୟବସ୍ଥାର ସୁପରିଚାଳନା, ରାଜ୍ୟ ସରକାରଙ୍କର ମହିଳା ଓ ଶିଶୁବିକାଶ ଅଧିନରେ କିଶୋର ନ୍ୟାୟ ଆଇନକୁ ଜିଲ୍ଲାସ୍ତରରେ କାର୍ଯ୍ୟକ୍ଷମ କରାଇବା ନିମନ୍ତେ ଜିଲ୍ଲାମାନଙ୍କରେ ଶିଶୁସୁରକ୍ଷା ୟୁନିଟିର ରହିଅଛି । ଜିଲ୍ଲା କିଶୋର ନ୍ୟାୟ ବୋର୍ଡ ସ୍ୱତନ୍ତ୍ର କିଶୋର ପୋଲିସ ୟୁନିଟ୍, ଜିଲ୍ଲା ଶିଶୁସୁରକ୍ଷା ୟୁନିଟ୍ମାନ ରହିଛି । ଏହା ଉପରେ ଏହି ରଥ ସଚେତନତା କରାଇବ ।
