ନୟାଗଡ଼, (ବାଘୁଆବାର୍ତ୍ତା ବ୍ୟୁରୋ) : ନୟାଗଡ଼ ଜିଲ୍ଲା ଭିଜିଲାନ୍ସ ବିଭାଗ ଦ୍ୱାରା ଆଜି ଜଣେ ପ୍ରଧାନଶିକ୍ଷକ ଗିରଫ ହୋଇଥିବା ଜଣାପଡ଼ିଛି । ସେ ବାହାଡ଼ ଉଚ୍ଚ ପ୍ରକଳ୍ପ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଉମାଶଙ୍କର ସାହୁ । ସୂଚନାନୁସାରେ, ଶ୍ରୀଯୁକ୍ତ ସାହୁ ବିଦ୍ୟାଳୟ ମଧ୍ୟାହ୍ନ ଭୋଜନର ପରିବା ଓ କାଠ ବିଲ୍ କରିବା ପାଇଁ ପ୍ରସନ୍ନ ସାହୁଙ୍କୁ ପନ୍ଦର ଶହ ଟଙ୍କା ଲାଞ୍ଚ ମାଗିଥିଲେ । ଏନେଇ ପ୍ରସନ୍ନ ସାହୁ ଜିଲ୍ଲା ଭିଜିଲାନ୍ସ କାର୍ଯ୍ୟାଳୟରେ ଅଭିଯୋଗ କରିବା ପରେ ଭିଜିଲାନ୍ସ ତାଙ୍କୁ ଧରିବା ପାଇଁ ଜାଲ ବିଛାଇଥିଲା । ପୂର୍ବ ଯୋଜନା ଅନୁଯାୟୀ ଆଜି ପ୍ରସନ୍ନ ସାହୁ ପ୍ରଧାନଶିକ୍ଷକଙ୍କୁ କେମିକାଲ ବୋଳା ଟଙ୍କା ଦେବା ବେଳେ ଭିଜିଲାନ୍ସ ହାତରେ ଧରା ପଡ଼ିଛନ୍ତି । ଭିଜିଲାନ୍ସ କର୍ମଚାରୀ ତାଙ୍କଠାରୁ ଟଙ୍କା ଜବତ କରିବା ସହ ଗିରଫ କରିଥିବା ନେଇ ସୂଚନା ମିଳିଛି ।
