ନୟାଗଡ଼ (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ ସଭା ଗୃହରେ ବିଶ୍ୱ ମଧୁମେହ ଦିବସ ପାଳିତ ହୋଇଯାଇଛି । ଜିଲ୍ଲା ମୁଖ୍ୟ ଅଧିକାରୀ ଡା. ଶ୍ୱେତ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଅତିରିକ୍ତ ସ୍ୱାସ୍ଥ୍ୟ ଅଧିକାରୀ ଡା. ସୁରେଶ ଚନ୍ଦ୍ର ମିଶ୍ର, ଡା. ନୀଳମାଧବ ମିଶ୍ର ଯୋଗ ଦେଇଥିଲେ । ମଧୁମେହ ଯୋଗୁଁ ପ୍ରଭାବିତ ହେଉଥିବା ଶରୀରର ପ୍ରମୂଖ ଅଂଙ୍ଗ ହୃତପିଣ୍ଡ, ବୃକ୍କକ, ସ୍ନାୟୁ, ଆଖି, ମୁଖ ଗହ୍ୱର କିପରି ଶରୀରକୁ କ୍ଷତି କରୁଛି ଏହା ଉପରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଆଲୋଚନା କରିବା ସହ ଏହି ରୋଗରୁ ରକ୍ଷା ପାଇବା ପାଇଁ ବାୟାମ ଓ ଯୋଗର ଆବାଶ୍ୟକତା ଉପରେ ସଚେତନତା ସୃଷ୍ଟି କରିଥିଲେ । ଓଜନ କମାଇବା, ରକ୍ତରେ ସର୍କ୍କରାର ସ୍ତର କମାଇବା, ସନ୍ତୁଳିତ ଆହାର ଖାଇବା, ସବୁଜ ପନିପରିବା, ଡାଲି, ଫଳ ଖାଇବା ଉପରେ ଏବଂ ଧୂମପାନ, ମଦ୍ୟପାନଠାରୁ ଦୂରେଇ ରହିବା ପାଇଁ ଡା. ସୁରେଶ ଚନ୍ଦ୍ର ମିଶ୍ର ଆଲୋଚନା କରିଥିଲେ । ଏହି ଅବସରରେ ସାମ୍ବାଦିକ ରାମକୃଷ୍ଣ ରଥ ତାଙ୍କର ଦାମ୍ଭିକ ବକ୍ତ୍ୟବ ପ୍ରଦାନ କରିଥିଲେ । କାର୍ଯ୍ୟକ୍ରମରେ ବହୁ ବୁଦ୍ଦିଜୀବୀ, ଛାତ୍ରଛାତ୍ରୀ, ବରିଷ୍ଠ ନାଗିରକ ପ୍ରମଖ ଯୋଗ ଦେଇଥିବା ବେଳେ ଜନସ୍ୱାସ୍ଥ୍ୟ ସଂଚାରଣ ଅଧିକାରୀ ପ୍ରସନ୍ନ ମହାପାତ୍ର କାର୍ଯ୍ୟକ୍ରମ ପରିଚାଳନା କରିଥିଲେ ।
