ନୟାଗଡ଼ (ବାଘୁଆବାର୍ତ୍ତା) : ପବିତ୍ର ଶିଶୁ ଦିବସ ଅବସରରେ କ୍ରିଦାଶପୁର ପଂଚାୟତରେ ଶିଶୁ ମହୋତ୍ସବ ୨୦୧୯ ଅନୁଷ୍ଠିତ ହୋଇଯାଇଛି । ପଂଚାୟତରେ ରହିଥିବା ସମସ୍ତ ବିଦ୍ୟାଳୟର ଛାତ୍ରଛାତ୍ରୀଙ୍କୁ ନେଇ ଏହି ମହୋତ୍ସବ ପାଳନ ହୋଇଥିବା ବେଳେ ଏହି କାର୍ଯ୍ୟକ୍ରମରେ ଅତିଥି ଭାବେ ଉପଜିଲ୍ଲାପାଳ ଲଗ୍ନଜିତ ରାଉତ, ନୟାଗଡ଼ ବିଡିଓ ମନୋଜ ପାତ୍ର, ଆରଏମ୍ସି ସଂପାଦକ ଭାସ୍କର ଚନ୍ଦ୍ର ପାଣିଗ୍ରାହୀ, ସରପଂଚ ଅନ୍ତର୍ଯ୍ୟାମୀ ଦାଶ, ପୂର୍ବତନ ସରପଂଚ ଦୂତୀବାମନ ବେହେରା ପ୍ରମୂଖ ଯୋଗ ଦେଇଥିଲେ । ଏହି ଅବସରରେ ଛାତ୍ରଛାତ୍ରୀମାନଙ୍କ ମଧ୍ୟରେ ତର୍କ, ସଂଗୀତ, ଚିତ୍ରାଙ୍କନ, ପ୍ରବନ୍ଧଲିଖନ, କୁଇଜ୍, ଦୈାଡ଼, ଉଚ୍ଚଡିଆଁ, ଲମ୍ବାଡିଆଁ ପ୍ରତିଯୋଗୀତା ଅନୁଷ୍ଠିତ ହୋଇ କୃତ୍ତି ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଛି । କାର୍ଯ୍ୟକ୍ରମକୁ ପଂଚାୟତ ନିର୍ବାହୀ ଅଧିକାରୀ ମନୋଜ କୁମାର ପ୍ରଧାନ ପରିଚାଳନା କରିଥିଲେ ।
