ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ନିକଟସ୍ଥ ଇଟାମାଟି ପାଇକସାହିର ଗାଣ୍ଡୁ ସାହୁଙ୍କୁ ଗଞ୍ଜେଇ ଚାଲାଣ ଅଭିଯୋଗରେ ଗିରଫ କରାଯାଇଛି । କଟକ କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗର ବହୁ ଦିନ ଧରି ନଜର ରହି ଆସିଥିବା ଉକ୍ତ ଯୁବକକୁ ଧରିବା ପାଇଁ ବିଭାଗ ଜାଲ ବିଛାଇଥିଲା । ରବିବାର ବିଳମ୍ବିତ ରାତିରେ କଟକର ଅବକାରୀ ଗୁଇନ୍ଦା ବିଭାଗର ଦଶ ଜଣିଆ ଟିମ ବୈାଦ ଓ ଫୁଲବାଣୀ ଜିଲ୍ଲାରୁ ଅନୁସନ୍ଧାନ କରି ଉକ୍ତ ଯୁବକକୁ ଗିରଫ କରିଛନ୍ତି । ତାଙ୍କଠାରୁ ୨୧ କିଲୋ ଗଞ୍ଜେଇ ଜବତ ହୋଇଛି । ଯାହାର ମୁଳ୍ୟ ୨ ଲକ୍ଷରୁ ଉର୍ଦ୍ଧ ଟଙ୍କା ହେବ ବୋଲି ଅବକାରୀ ଗୁଇନ୍ଦା ବିଭାଗର ଇନିସପେକ୍ଟର ଜଗଦିଶ ଚନ୍ଦ୍ର ସାମଲ ସୂଚନା ଦେଇଛନ୍ତି । ଏହି ଚଢ଼ାଉରେ ଅବକାରୀ ବିଭାଗର କାଲୁରାମ ସୋରେନ୍, ଜେକେ ନାୟକ, କେ.ସି ରାଉତ ଏବଂ ଅର୍ଚ୍ଚନା ନାୟକ ପ୍ରମୂଖ ସାମିଲି ଥିଲେ ।
