ନୟାଗଡ଼,(ବାଘୁଆବାର୍ତ୍ତା ବ୍ୟୁରୋ): ଦଶପଲ୍ଲା ଥାନା ଅଂଚଳରେ ଦୀର୍ଘଦିନ ଧରି ବିଭିନ୍ନ ଚୋରୀରେ ସଂପୃକ୍ତ ୩ଜଣ ଲୁଟେରାଙ୍କୁ ସ୍ଥାନୀୟ ପୋଲିସ ଗିରଫ କରିଛି । ସେମାନଙ୍କ ଠାରୁ ବିପୁଳ ପରିମାଣର ସୁନା ଅଳଙ୍କାର ସହିତ ବିଭିନ୍ନ ଘରୋଇ ସାମଗ୍ରୀ ଓ ୨ଟି ବାଇକ୍କୁ ପୁଲିସ ଜବତ କରିଛି । ଦଶପଲ୍ଲା ପୋଲିସ ଗିରଫ ଅପରାଧୀମାନଙ୍କ ଠାରୁ ଉଦ୍ଧାର ସାମଗ୍ରୀ ଓ କେଉଁ ଅପରାଧରେ ଏମାନେ ଜଡିତ ସେ ସମ୍ପର୍କରେ ଦଶପଲ୍ଲା ଥାନା ଆଇଆଇସି ବିଶ୍ୱଜିତ୍ ରାଉତରାୟ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ଦଶପଲ୍ଲା-କଳାସାଖମଣ ରାସ୍ତାରେ ଚଡେୟାପଲ୍ଲୀ ଗ୍ରାମ ପ ।ୟତ ବାମ୍ ଗାଁର ଶିକ୍ଷକ କୁଶ ମହାଖୁଡ ଜୁନ୍ ୫ ସନ୍ଧ୍ୟାରେ ଗାଁକୁ ଫେରୁଥିବା ବେଳେ ପୋଖରୀଗୋଚ୍ଛା ନିକଟସ୍ଥ ଜଙ୍ଗଲ ରାସ୍ତାରୁ ତାଙ୍କୁ ମାରଣାସ୍ତ୍ର ଦେଖାଇ ନୂଆ ସ୍ପେଣ୍ଡର ଓଡି୨୫ଜି-୯୪୭୯ ବାଇକ୍ ଓ ନଗଦ ୧୧ ହଜାର ଟଙ୍କା, ଏଟିଏମ୍ କାର୍ଡ ୨ଟି ମୋବାଇଲ ଲୁଟି ନେବାରେ ସଫଳ ହୋଇଥିଲେ । ପୋଲିସ ଏହି ଅପରାଧରେ ଜଡିତ ସ୍ଥାନୀୟ ସହର ମୋଚି ସାହିର ବାବୁରାମ ଦୋରା (୩୦)କୁ ଭୁବନେଶ୍ୱରରୁ ଗିରଫ କରିଥିବା ବେଳେ, ହରିହାବାଡିର ପପୁ ଆଲିଆସ୍ ସୁଦିପ୍ତ ସାଥୁଆ (୨୩) ତାମିଲନାଡୁର କୁଲୁର୍ ଏବଂ ନାହାକପଡ଼ା କାଳିଆ ବେହେରା (୨୫)କୁ ହରିଓଁ ପାହାଡରୁ ଗିରଫ କରିଛି । ଗତ ୨୮.୯.୨୦୧୯ରିଖରେ ଦଶପଲ୍ଲା ବ୍ଲକ୍ କଲୋନୀରେ ରହୁଥିବା ଏପିଓ ଇତିଶ୍ରୀ ଦାଶଙ୍କ ଘରୁ ଚୋରି ଯାଇଥିବା ସୁନା ଅଳଙ୍କାର, ରୂପା ଅଳଙ୍କାର, ଲାପ୍ଟପ୍, ଏଲଇଡି ଟିଭିକୁ ମଧ୍ୟ ଏମାନଙ୍କ ଠାରୁ ଜବତ କରାଯାଇଛି । ଏହି ଅଳଙ୍କାର ଓ ଅନ୍ୟାନ୍ୟ ଚୋରୀ ସାମଗ୍ରୀ ରଖିବା ଅପରାଧରେ ସାତପାଟଣାର ଅଳଙ୍କାର ଦୋକାନୀ ଅନିଲ୍ ଚିନରା(ମୁନା)କୁ ମଧ୍ୟ ପୋଲି ଗିରଫ କରି କୋର୍ଟ ଚାଲାଣ କରିଛି ।
