ବିଭିନ୍ନ ରଙ୍ଗାରଙ୍ଗ କାର୍ଯ୍ୟକ୍ରମ
ନୟାଗଡ଼,(ବାଘୁଆବାର୍ତ୍ତା ବ୍ୟୁରୋ): ନୟାଗଡ଼ର କଳା, ସାହିତ୍ୟ, ସଂସ୍କୃତି ଓ ଐତିହ୍ୟକୁ ବଜାୟ ରଖିବା ପାଇଁ ନୟାଗଡ଼ ପୁରୁଣା ସହରରେ ବୋଇତବନ୍ଦାଣ ଉତ୍ସବ ଅନୁଷ୍ଠିତ ହୋଇଆସୁଅଛି । ଦୀର୍ଘ ୧୫ ବର୍ଷ ଧରି ଏହି ବୋଇତବନ୍ଦାଣ ଉତ୍ସବ ମହା ସମାରୋହରେ ପାଳିତ ହୋଇଆସୁଥିବା ବେଳେ ଏହି ବର୍ଷ ୧୬ ବର୍ଷରେ ପଦାର୍ପଣ କରିଛି । ନଭେମ୍ବର ୮ ତାରିଖରୁ ୧୨ ତାରିଖ ୫ଦିନ ଧରି ନୟାଗଡ଼ ଟାଉନ୍ହଲ୍ ନିକଟରେ ଏହି ଉତ୍ସବ ଅନୁଷ୍ଠିତ ହେବ । ସବୁବର୍ଷ ପରି ଏ ବର୍ଷ ମଧ୍ୟ ରାଜ୍ୟ ତଥା ରାଜ୍ୟ ବାହାରୁ ଅନେକ ସାଂସ୍କୃତିକ କାର୍ଯ୍ୟକ୍ରମ ପରିବେଶଣ କରାଯିବ । ୮ତାରିଖ ଦିନ ରଘୁରାଜପୁରର ଗୋଟିପୁଅ ନୃତ୍ୟ, ଭୁବନେଶ୍ୱରର ମେଲୋଡି ନାଇଟ୍ ଅନୁଷ୍ଠିତ ହେବ । ୯ତାରିଖ ଦିନ ବାଙ୍କୀର ସିଂଘମ ଡ୍ୟାନ୍ସ ଗ୍ରୁପ୍ ଓ ଭୁବନେଶ୍ୱରର ରକ୍ଷ୍ଟାର ଡ୍ୟାନ୍ସ ଗ୍ରୁପ୍ କାର୍ଯ୍ୟକ୍ରମ ହେବ । ୧୦ ତାରିଖ ଦିନ ଭୁବନେଶ୍ୱରର ଶିଳ୍ପିକା ଡ୍ୟାନ୍ସ ଗ୍ରୁପ୍ ଏବଂ କଟକର କିଙ୍ଗ ଆଣ୍ଡ କୁଇନ୍ ମେଲୋଡି ଅନୁଷ୍ଠିତ ହେବ । ୧୧ ତାରିଖ ଦିନ ବଲାଙ୍ଗୀର ଢୋଲ ମହୁରି ଓ ଭୁବନେଶ୍ୱରର ଆରିୟନ୍ ଡ୍ୟାନ୍ସ ଗ୍ରୁପ୍ ଏବଂ ହାତ୍ୟଅଭିନେତା ନନ୍ସେନ୍ସ ମଣି ଯୋଗଦେବେ । ୧୨ ତାରିଖ ଦିନ ସକାଳ ୭ଟା ସମୟରେ ସାଗରପୋଖରୀ ଠାରେ ନାଟକ ତଅପୋଇ ଅନୁଷ୍ଠିତ ହେବା ସହ ଚଳଚ୍ଚିତ୍ର ଅଭିନେତ୍ରୀ ଏଲିନା ସାମନ୍ତରାୟ ଏହି ଉତ୍ସବରେ ଯୋଗଦେବେ । ସନ୍ଧ୍ୟା ସମୟରେ ପୁରୀର ରଙ୍ଗଶାଳା ଓ ଭୁବନେଶ୍ୱରର ମେଲୋଡି ଗୀତ୍ ମିଲନ୍ ଓ କଣ୍ଠଶିଳ୍ପୀ ଦୀପ୍ତିରେଖ ଏବଂ କୌଶିକ୍ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ବୋଇତ ବନ୍ଦାଣ କମିଟିର ସଭାପତି କିଶାନ ଦାସ ପ୍ରକାଶ କରିଛନ୍ତି । ପ୍ରତେକ ଦିନ ବହୁ ମାନ୍ୟଗଣ୍ୟ ଅତିଥି ଯୋଗଦେବାର ସ୍ଥିରିକୃତ ହୋଇଛି ।
