ହରିଚନ୍ଦନପୁର, (ବାଘୁଆବାର୍ତ୍ତା): ନାବାଳିକା ଶାଳୀକୁ ଦୁଷ୍କର୍ମ ଅଭିଯୋଗରେ ଭିଣୋଇ ଗିରଫ ହୋଇ ଜେଲ୍ ଯାଇଛି । ଗିରଫ ଭିଣୋଇ ଜଣଙ୍କ ହେଲେ ଘଷିପୁରା ଥାନା ରଘୁନାଥପୁରର ଅଭିମନ୍ୟୁ ପାତ୍ର (୩୨) । ସୂଚନା ମୁତାବିକ, ଅଭିମନ୍ୟୁ ହରିଚନ୍ଦନପୁର ଥାନା କୁସୁମଯୋଡି ଗାଁରେ କିଛି ବର୍ଷ ହେବ ବିବାହ କରିଥିଲା । ନିକଟରେ ଅଭିମନ୍ୟୁଙ୍କ ଶାଶୂଙ୍କ ଦେହ ଖରାପ ହେବାରୁ ସେ ଏବଂ ତାର ଦୁଇଜଣ ଶାଳୀ କଟକ ବଡ ମେଡିକଲାରେ ଶାଶୂଙ୍କ ପାଖରେ ରହୁଥିଲେ । ଏହା ଭିତରେ ଭିଣୋଇ ପ୍ରେମ ଜାଲରେ ଫସାଇ ନାବାଳିକା ଶାଳୀକୁ ଧରି ଅନ୍ୟତ୍ର ପଳାଇଥିଲା ଏବଂ ଦୁଷ୍କର୍ମ କରିଥିଲା । ଏନେଇ ନାବାଳିକାର ପରିବାରବର୍ଗ ହରିଚନ୍ଦନପୁର ଥାନାରେ ଲିଖିତ ଭାବେ ଅଭିଯୋଗ ହେବା ପରେ ଥାନାଧିକାରିଣୀ ସୁସ୍ମିତା ଦେବତା ଘଟଣାର ତଦନ୍ତ କରିବା ପାଇଁ ସବ ଇନିସପେକ୍ଟର ଅଯୋଧ୍ୟା ମାଟିଆଙ୍କୁ ନିର୍ଦ୍ଦେଶ ଦେଇଥିଲେ । ଘଟଣାର ତଦନ୍ତ କରିବା ସହ ଅଭିମନ୍ୟୁ ପାତ୍ରକୁ ଗିରଫ କରି କୋର୍ଟ ଚାଲାଣ କରାଯାଇଛି ।
