ରୀତା ହେଲେ ରେକର୍ଡଧାରୀ ବିଧାୟିକା
ନୟାଗଡ଼, (ବାଘୁଆବାର୍ତ୍ତା ବ୍ୟୁରୋ) : ବିଜେପୁର ଉପନିର୍ବାଚନରେ ବିଜେଡି ଦଳ ବିପୁଳ ଭୋଟରେ ବିଜୟଲାଭ କରିବା ସହିତ ହ୍ୟାଟ୍ରିକ ଅର୍ଜନ କରିଛି | ବିଧାୟକ ସୁବଳ ସାହୁଙ୍କ ବିୟୋଗ ପରେ ତାଙ୍କ ପତ୍ନୀ ରୀତା ସାହୁ ଉପନିର୍ବାଚନରେ ବିଜେଡି ପକ୍ଷରୁ ବିଜୟୀ ହୋଇଥିଲେ | ୨୦୧୯ ନିର୍ବାଚନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ନିର୍ବାଚନରେ ଲଢ଼ି ନିର୍ବାଚିତ ହୋଇଥିଲେ | ଏହି ଆସନଟିକୁ ମୁଖ୍ୟମନ୍ତ୍ରୀ ଛାଡିବା ପରେ ପୁଣି ରୀତା ସାହୁ ପ୍
ରାର୍ଥୀ ହୋଇ ରେକର୍ଡ ସଂଖ୍ୟକ ଭୋଟରେ ନିର୍ବାଚିତ ହୋଇଛନ୍ତି | ରୀତା ସାହୁ ୯୭୯୯୪ ଖଣ୍ଡ ଭୋଟ ପାଇ ଜିତି ଥିବା ବେଳେ ବିଜେପି ପ୍ରାର୍ଥୀ ସନତ ଗଡ଼ତିଆ ୩୭୯୬୭ ଖଣ୍ଡ ଭୋଟ ପାଇଛନ୍ତି | କଂଗେସ ପ୍ରାର୍ଥୀ ଦିଲ୍ଲୀପ ପଣ୍ଡା ୫୮୭୬ ଖଣ୍ଡ ଭୋଟ ପାଇଥିବା ବେଳେ ନୋଟାରେ ୧୯୮୨ ଖଣ୍ଡ ଭୋଟ ପଢିଛି |
ପ୍ରକାଶଥାଉ କି ଗତ ୨୦୧୯ ନିର୍ବାଚନରେ ଖଣ୍ଡପଡ଼ା ବିଧାୟକ ସୌମ୍ୟରଞ୍ଜନ ପଟ୍ଟନାୟକ ବିଜେଡି ପକ୍ଷରୁ ସର୍ବାଧିକ ୮୧୪୩୦ ଖଣ୍ଡ ଭୋଟ ପାଇ ରେକର୍ଡ ସୃଷ୍ଟି କରିଥିଲେ | ଏହି ରେକର୍ଡକୁ ଭାଙ୍ଗି ରୀତା ସାହୁ ୯୭ ହଜାର ୯୯୪ ଭୋଟରେ ପରିଣତ କରିଛନ୍ତି | ରୀତା ସାହୁଙ୍କ ବିଜୟ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜେପୁରବାସୀଙ୍କୁ ଅଭିନନ୍ଦନ ଜଣାଇଛନ୍ତି | ଉକ୍ତ ନିର୍ବାଚନରେ ବିଜେଡିର ୩ ପ୍ରମୁଖ ନେତା ସଂଜୟ ଦାଶବର୍ମା, ଡ. ଅରୁଣ କୁମାର ସାହୁ, ପ୍ରଣବ ପ୍ରକାଶ ଦାସଙ୍କ ନେତୃତ୍ତ୍ୱକୁ ସବୁ ମହଲରେ ପଶଂସା କରାଯାଇଛି |
