ଜଳେଶ୍ବର, (ବାଘୁଆବାର୍ତ୍ତା): ଜଳେଶ୍ବର ଷ୍ଟେସନ ବଜାରସ୍ଥିତ ଡାଇମଣ୍ଡ ହୋଟେଲରେ ମଙ୍ଗଳବାର ବଡ ଧରଣର ଚଢାଉ ହୋଇଛି। ଏଥିରେ ଦୁଇ କୋଟିରୁ ଊର୍ଦ୍ଧ୍ବ ଟଙ୍କାର ବ୍ରାଉନସୁଗାର ଜବତ ହୋଇଛି। ଏହି ଘଟଣାରେ ଦୁଇ ମହିଳା ସମେତ ୩ଜଣଙ୍କୁ ଅଟକ ରଖାଯାଇଛି। ଯୁବକ ଜଣକ ହେଲେ ମୁକ୍ତାର ଅଲ୍ଲୀ ଖାଁ ଏବଂ ତାଙ୍କ ସ୍ତ୍ରୀ ଓ ଶାଶୁ। ସୂଚନା ଅନୁଯାୟୀ, ସୋମବାର କୌଣସି ସୁତ୍ରରୁ ଖବରପାଇ ଜଳେଶ୍ୱର ପୁଲିସ ଓ ଅବକାରୀ ବିଭାଗ ଦ୍ବାରା ଷ୍ଟେସନ ବଜାରସ୍ଥିତ ଡାଇମଣ୍ଡ ହୋଟେଲରେ ମିଳିତ ଚଢଉ ହୋଇଥିଲା। ଏହି ଚଢ଼ାଉରେ ୨କିଲୋ ୪୦୦ଗ୍ରାମରୁ ଊର୍ଦ୍ଧ୍ବ ବ୍ରାଉନ ସୁଗାର ଜବତ ହେବା ସହ ୩ଜଣଙ୍କୁ ଅଟକ ରଖାଯାଇଛି। ଅଟକ ଯୁବକ ଜଣକ ହେଲେ ଡାଇମଣ୍ଡ ହୋଟେଲ ମାଲିକ ମୁକ୍ତାର ଅଲ୍ଲୀ ଖାଁ ତାଙ୍କ ସ୍ତ୍ରୀ ଓ ଶାଶୁ। ଜବତ ବ୍ରାଉନ ସୁଗାରର ଆନୁମାନିକ ମୂଲ୍ୟ ୨କୋଟି ୪୦ଲକ୍ଷ ଟଙ୍କାରୁ ଊର୍ଦ୍ଧ୍ବ ହେବ ବୋଲି ଜଣାପଡ଼ିଛି। ପୁଲିସ ଓ ଅବକାରୀ ବିଭାଗ ସେମାନଙ୍କୁ ଅଟକ ଅଟକ ରଖି ତଦନ୍ତ ଜାରି ରଖିଛି। ବାଲେଶ୍ୱର ଜିଲ୍ଲା ଜଳେଶ୍ୱର ଅଞ୍ଚଳରେ ବ୍ରାଉନ ସୁଗାର ବ୍ୟବସାୟ ଜଳେଶ୍ୱର ପୁଲିସ ଏବଂ ଅବକାରୀ ବିଭାଗର ମୁଣ୍ଡ ବିନ୍ଧାର କାରଣ ସାଜିଛି।
