ପାଟଣାଗଡ଼, (ବାଘୁଆବାର୍ତ୍ତା): ବଲାଙ୍ଗୀର ଜିଲ୍ଲା ଲରମ୍ଭା ଥାନା ଅନ୍ତର୍ଗତ ଏକ ଗାଁର ଜଣେ ନାବାଳିକାକୁ ଉକ୍ତ ଗାଁର ୪ ଜଣ ଯୁବକ ଦୁଷ୍କର୍ମ ଉଦ୍ୟମ କରି ଧରାପଡ଼ିଛନ୍ତି। ଘର ପଛପଟେ ଥିବା ବାଇଗଣ ବାଡ଼ିରେ ଦୁଷ୍କର୍ମ କରିବାକୁ ଉଦ୍ୟମ ସମୟରେ ନାବାଳିକା ଜଣଙ୍କ ସେଠାରୁ କୌଶଳ କ୍ରମେ ଖସି ଆସିଥିଲେ। ପରେ ନାବାଳିକା ଜଣକ ଥାନାରେ ଏ ନେଇ ଲିଖିତ ଅଭିଯୋଗ କରିଛନ୍ତି । ଅଭିଯୁକ୍ତମାନେ ହେଲେ ସୁଦାମ ପୁଟେଲ ( ୨୦ ) , ବିପିନ ପୁଟେଲ ( ୨୫ ) , ସୁଶାନ୍ତ ପୁଟେଲ ( ୧୯ ) ଓ କବଲ୍ୟ ପୁଟେଲ ( ୨୦ ) । ଲରମ୍ଭା ପୁଲିସ ଏ ସମ୍ପର୍କରେ ଏକ ମାମଲା ରୁଜୁ କରି ତଦନ୍ତ ଚଳାଇଥିଲା। ଆଜି ପୁଲିସ ଏହି ୪ ଜଣ ଅଭିଯୁକ୍ତଙ୍କୁ ଗରିଫ କରି କୋର୍ଟ ଚାଲାଣ କରିଛି । ବଲାଙ୍ଗୀର କୋର୍ଟରେ ଜାମିନ ନାମଞ୍ଜୁର ହେବା ପରେ ସେମାନଙ୍କୁ ବଲାଙ୍ଗୀର ଜେଲକୁ ପଠାଇ ଦିଆଯାଇ ଥିବା ଥାନା ଅଧିକାରୀ ବାରିଣୀ ଦାସ ସୂଚନା ଦେଇଛନ୍ତି।
