ବିଜେଡିର ଦୁର୍ଗ ହେଲା ଇଟାମାଟି, ଶତାଧିକ ବିଜେପି ଓ କଂଗ୍ରେସ ନେତା ବିଜେଡିରେ

ନୟାଗଡ଼, (ବାଘୁଆବାର୍ତ୍ତା): ଇଟାମାଟି ଗ୍ରାମର ପ୍ରମୁଖ ବିଜେପି ଓ କଂଗ୍ରେସ କର୍ମି ଆଜି ବିଜୁ ଜନତା ଦଳରେ ସାମିଲ ହୋଇଛନ୍ତି । ନୟାଗଡ଼ ନିର୍ବାଚନ ମଣ୍ଡଳୀ ବିୁଜ ଜନତା ଦଳ କାର୍ଯ୍ୟାଳୟରେ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଛି । ଏଥିରେ ଇଟାମାଟି ଗ୍ରାମର ପ୍ରମୁଖ ୩୦ରୁ ଉଦ୍ଧ୍ୱର୍ ନେତାଙ୍କ ସମେତ ୩୦୦ରୁ ଅଧିକ କର୍ମୀ ବିଜୁ ଜନତା ଦଳରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନୀତି ଆଦର୍ଶ ଅନୁପ୍ରାଣିତ ହେବା ସହିତ ନୟାଗଡ଼ ବିଧାୟକ ତଥା ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତି କରଣ, ମତ୍ସ୍ୟ ଓ ପ୍ରାଣୀ ସମ୍ପଦ ଓ ଉଚ୍ଚ ଶିକ୍ଷା ମନ୍ତ୍ରୀ ଡ.ଅରୁଣ କୁମାର ସାହୁଙ୍କ କାର୍ଯ୍ୟକଳାପରେ ସନ୍ତୁଷ୍ଟ ହୋଇ ଦଳରେ ସାମିଲ ହୋଇଛନ୍ତି ବୋଲି ପ୍ରକାଶ କରିଛନ୍ତି । ଆଜିର ମିଶ୍ରଣ ପର୍ବରେ ଡ.ସାହୁଙ୍କ ସମେତ ନୟାଗଡ଼ ବ୍ଲକ ବିଜୁ ଯୁବ ଜନତା ଦଳର ସଭାପତି ଦୁର୍ଯ୍ୟୋଧନ ବେହେରା ଇଟାମାଟିର ପ୍ରମୁଖ ବିଜେଡି ନେତା ଶ୍ରବଣ କୁମାର ରାମ, ଅଜିତ ପ୍ରସାଦ ସାହୁ, ଶରତ ସାହୁ, ଆଶିଷ ଅଗ୍ରୱାଲ, ଭାଗିରଥି ବାଇ, ଜଗନ୍ନାଥ ଦାସ, ବ୍ରଜବନ୍ଧୁ ସୁବୁଦ୍ଧି ଓ ପ୍ରଫୁଲ ଜେନା ପ୍ରମୁଖ ଉପସ୍ଥିତ ରହିଥିଲେ । ଆଜିର ମିଶ୍ରଣ ପର୍ବରେ ଇଟାମାଟି ବଣିକ ସଂଘ ସଭପତି କିଶୋର ଚନ୍ଦ୍ର ନାୟକ ଓ ମହାବୀର ସଂଘର ମାନସ କୁମାର ସାହୁ ପ୍ରମୁଖ ବିଜୁ ଜନତା ଦଳରେ ଯୋଗ ଦେଇଥିଲେ । ଏତଦ୍ ବ୍ୟତୀତ ବୈକୁଣ୍ଠ ନାଥ ନାୟକ, ବସନ୍ତ ସାହୁ, ପ୍ରକାଶ ଜେନା, ଚନ୍ଦ୍ରଶେଖର ସାହୁ, କୋରେନ ବନ୍ଧୁ ସାଥୁଆ, ବିପିନ ନାୟକ, ସନ୍ତୋଷ କୁମାର ସାହୁ, ନିବାସ ପ୍ରଧାନ, ଦୈତାରି ରାଉତ, ସମ୍ବିତ କୁମାର ସାଥୁଆ, ତ୍ରିନାଥ ନାୟକ, ଅମିତ ସାଥୁଆ, ବିମଳ କୁମାର ନାୟକ, ସୁବାଷ ମହାପାତ୍ର, ରମାକାନ୍ତ ମହାନ୍ତି, ରଘୁନାଥ ବେହେରା, ଜୟକୃଷ୍ଣ ସାହୁ, ସୁରେନ୍ଦ୍ର କୁମାର ସାହୁ, ସୌମ୍ୟରଞ୍ଜନ ସାହୁ, ଗୋକୁଳ ସାହୁ, ଦୀନବନ୍ଧୁ ସାହ, ଜିତେନ୍ଦ୍ର ବିଶୋଇ, ସନ୍ତୋଷ କୁମାର ସାହୁ, ଲକ୍ଷ୍ମୀଧର ପଣ୍ଡା ପ୍ରମୁଖ କଂଗ୍ରେସ ଓ ବିଜେପି ନେତା ଆଜି ବିଜେଡିରେ ସାମିଲ ହୋଇଛନ୍ତି ।