କଟକ, (ବାଘୁଆବାର୍ତ୍ତା): କଟକରେ କମିଶନରେଟ ପୋଲିସର ଏନ୍କାଉଣ୍ଟର। ପୋଲିସ ଏନକାଉଣ୍ଟରରେ ଜଗତସିଂହପୁର ବାଲିକୁଦା ଅଞ୍ଚଳର ଦୁର୍ଦ୍ଦାନ୍ତ ଅପରାଧୀ ରାକା ଓରଫ ରାକେଶ ଦାସ ଗୁରୁତର ହୋଇଛନ୍ତି । ତାର ଗୋଡରେ ଗୁଳି ବାଜିଛି । ଗୁରୁତର ଅବସ୍ଥାରେ ରାକାକୁ SCB ମେଡିକାଲରେ ଭର୍ତ୍ତି କରାଯାଇଛି । ରାକା ନିକଟରୁ ଗୋଟିଏ ବନ୍ଧୁକ, ୩ ରାଉଣ୍ଡ ଗୁଳି ସହ ଗୋଟିଏ ଜବତ ହୋଇଛି। ଆଜି ସକାଳ ୬.୩୦ ରାକା କଟକରୁ ଜଗତସିଂହପୁର ଫେରୁଥିବା ବେଳେ ପୋଲିସ ଖବର ପାଇ ଚଢାଉ କରିଥିଲା । କାଠଯୋଡି ବ୍ରିଜ ୪୨ ମୌଜା ନିକଟରେ ପରମହଂସ-ଆଠଗଡ ନଦୀବନ୍ଧ ନିକଟରେ ରାକାକୁ କାବୁ କରିବାକୁ ଉଦ୍ୟମ ବେଳେ ରାକା ପ୍ରଥମେ ପୋଲିସ ଉପରକୁ ଗୁଳିମାଡ କରିଥିଲା । ଯାହାର ପାଲଟା ଜବାବରେ ପୋଲିସ୍ ରାକା ଉପରକୁ ଗୁଳି ଚାଳନା କରିଥିଲା। ଏଥିରେ ରାଜା ଗୋଡରେ ଗୁଳି ବାଜିଥିଲା। ସେପଟେ ରାକାକୁ କାବୁ ବେଳେ କନ୍ଦରପୁର ଥାନା ଆଇଆଇସି ଏବଂ ଏସ୍ ଆଇ ଆହତ ହୋଇଛନ୍ତି । ରାକା ନାଁରେ ବିଭିନ୍ନ ଥାନାରେ ଏକାଧିକ ଅପରାଧିକ ମାମଲା ରହିଛି। ଏନେଇ ପୋଲିସ୍ ଛାନ୍ଭିନ୍ ଜାରି ରଖିଛି। ପୋଲିସର ସୂଚନା ଅନୁସାରେ ଗତ ସେପ୍ଟେମ୍ବର ମାସ ୯ ତାରିଖରେ ଜଗତସିଂହପୁରର ବ୍ୟବସାୟୀ କ୍ଷୀରୋଦ ସାହୁଙ୍କୁ ଗୁଳିମାଡ କରି ଲୁଟ୍ ହୋଇଥିଲା । ଯେଉଁଥିରେ ସାମିଲ ଥିଲା ରାକା ।
ପୋଲିସ ଏନକାଉଣ୍ଟରରେ ଜଗତସିଂହପୁର ବାଲିକୁଦା ଅଞ୍ଚଳର ଦୁର୍ଦ୍ଦାନ୍ତ ଅପରାଧୀ ରାକା ଗୁରୁତର
