ନରସିଂହପୁର, (ବାଘୁଆବାର୍ତ୍ତା): ପୋଲିସ ଏବଂ ଲୋକଙ୍କ ମଧ୍ୟରେ ଖଣ୍ଡ ଯୁଦ୍ଧ। ଉଭୟ ପୋଲିସ ଓ ଲୋକେ ଆହତ ହୋଇଛନ୍ତି। ବିଳମ୍ବିତ ରାତ୍ରି ୧୨ଟା ସମୟରେ ଖାରୋଡ଼ ମହାକାଳୀ ମନ୍ଦିର ନିକଟରେ ଉତ୍ତେଜନା ଦେଖାଦେଇଥିଲା। ଏଥିରେ ଲୋକେ ରାଗିଯାଇ ପୋଲିସ ଭ୍ୟାନ ଭାଙ୍ଗି ଥିଲେ। ସୂଚନା ମୁତାବକ, ଗତକାଲି ମା ମହାକାଳୀଙ୍କର ବଳି ଉତ୍ସବ ଥିବା ବେଳେ ଆଖପାଖ ଅଞ୍ଚଳର ଅନେକ ଲୋକେ ସମାଗମ ହୋଇଥିଲେ। ଏହାରି ଭିତରେ ପୋଲିସଙ୍କ ଦ୍ଵାରା ଜଣେ ଛୋଟ ଛୁଆ ଆହତ ହୋଇଥିଲା ଯାହାକୁ କେନ୍ଦ୍ର କରି ଲୋକେ ତାତିଥିଲେ ଏବଂ ଗାଡି ଭଙ୍ଗାରୁଜା କରିଥିଲେ। ଛୁଆଟିର ଗୋଡ଼ ଏବଂ ହାତରେ କ୍ଷତ ହୋଇଥିବା ବେଳେ ତାଙ୍କୁ ମେଡିକାଲ ନେଇ ଚିକିତ୍ସା କରାଯାଇଛି। ତେବେ ପୋଲିସ ସୁରକ୍ଷା ନାରେ ଲାଠି ଚାର୍ଜ କରିବା ତାକୁ ମହଙ୍ଗା ପଡିଛି ଫଳରେ ଆଜି ବଡମ୍ବା ପୋଲିସକୁ ହିଁ ଭୋଗିଥିବା ଜଣାପଡିଛି। ପ୍ରଶ୍ନ ଉଠୁଛି ଯଦି ମା ମହାକାଳୀ ପରସର ୧୪୪ ଧାରା ଲାଗୁ କରାଗଲା ତେବେ ସାମ୍ବାଦିକମାନଙ୍କୁ ଜଣା ଗଲାନି କାହିଁକି ?
ପୋଲିସ ଏବଂ ଲୋକଙ୍କ ମଧ୍ୟରେ ଖଣ୍ଡ ଯୁଦ୍ଧ, ଲାଠି ଚାର୍ଜରେ ଶିଶୁ ଆହତ
