ବାଙ୍କି, (ବାଘୁଆବାର୍ତ୍ତା): ଝିଆରୀ ଜ୍ବାଇଁର ଭୁଜାଲି ଆକ୍ରମଣରେ ମାଇଁ ଶାଶୁ ସହ ତିନି ଜଣ ଆହତ ହୋଇଛନ୍ତି । ଏହି ବଡ଼ ଅଘଟଣରୁ ଅଳ୍ପକେ ବର୍ତିଯାଇଛି ଜୀବନ । ଏନେଇ ଥାନାରେ ଏତଲା ଦିଆଯାଇଛି । ଆକ୍ରମଣ କରି ଜ୍ବାଇଁ ଏବେ ଥାନାରେ ଅଟକ । ତାଙ୍କଠାରୁ ବାଇକ ଓ ଭୁଜାଲି ଜବତ କରାଯାଇଛି । ବାଙ୍କୀଥାନା ଅନ୍ତର୍ଗତ ନୂଆ ଓସ୍ତିଆଗ୍ରାମରେ ଘଟିଛି ଏହିଭଳି ଅଭାବନୀୟ ଘଟଣା । ଗତକାଲି ଅପରାହ୍ନ ସମୟରେ କଦଳିବାଡି ଗ୍ରାମର ଝିଆରୀ ଜ୍ବାଇଁ ପପୁ ରାଉତ ପାରିବାରିକ କଳହକୁ ନେଇ ଅଚାନକ ହାତରେ ଭୁଜାଲି ଧରି ନିକଟସ୍ଥ ନୂଆ ଓସ୍ତିଆର ମାଇଁ ଶାଶୁ ଘରେ ପଂହଁଚି ଅସଭ୍ୟ ଭାଷାରେ ଗାଳି ଗୁଳଜ କରିଥିଲେ। ପରେ ମାଇଁଶାଶୁଙ୍କୁ ଘରୁ ଟାଣିନେଇ ବେକକୁ ଧରି ଭୁଜାଲିରେ ହାଣିବାକୁ ଉଦ୍ୟମ କରିଥିବାବେଳେ ହାତ ଦେଖାଇଦେଇଥିଲେ ଉକ୍ତ ମହିଳା ଜଣଙ୍କ । ସେତିକି ବେଳେ ଗ୍ରାମର ସମ୍ପର୍କୀୟ ପୁତୁରାମାନେ ମୁକୁଳାଇବାକୁ ଯାଇ ଆହତ ହୋଇଥିଲେ। ମାତ୍ର ଅଗଟରୁ ଅଳ୍ପକେ ବଞ୍ଚିଯାଇଥିଲେ ମହିଳାଙ୍କ ଜୀବନ । ପରେ ପୋଲିସକୁ ଖବର ଦେବା ପରେ ଘଟଣାସ୍ଥଳକୁ ପୋଲିସ ଆସି ଅଭିଯୁକ୍ତଙ୍କୁ ନେଇ ଅଟକ ରଖିଛି । ଏହି ଘଟଣାରେ ପୋଲିସର ତଦନ୍ତ ଜାରି ରହିଛି। ମାଇଁ ଶାଶୁର ହାତ ଦୁଇଟି କଟି ଯାଇଥିବାବେଳେ ନିକଟସ୍ଥ ମେଡିକାଲରେ ଚିକିତ୍ସା କରାଇବାରୁ ଏବେ ସୁସ୍ଥ ଥିବା ଜଣାପଡ଼ିଛି। ଅନ୍ୟପଟେ ତିନି ଆହତ ପୁତୁରା ମଧ୍ୟ ଚିକିତ୍ସା ପରେ ସୁସ୍ଥ ଅଛନ୍ତି । ହେଲେ ଆହତଙ୍କ ପରିବାର ଲୋକଙ୍କ ଅଭିଯୋଗ ଏବେବି ତାଙ୍କ ପରିବାର ସଦସ୍ୟଙ୍କୁ ଧମକ ଆସୁଛି ଆକ୍ରମଣକାରୀଙ୍କ ପକ୍ଷରୁ ।ପୋଲିସ ସଠିକ ତଦନ୍ତ କରି ଆହତଙ୍କ ପରିବାର ତଥା ମାଇଁ ଶାଶୁଙ୍କୁ ନ୍ୟାୟ ଦେବାକୁ ଦାବି ହେଉଛି। ମାଇଁ ଶାଶୁ ଜଣକ ଅଙ୍ଗନ ବାଡ଼ିର କର୍ମୀ । ସେ ଅଙ୍ଗନବାଡିରେ କାମ କରି ପେଟ ପୋଷନ୍ତି । ବିଚ ଗାଁ ଦାଣ୍ଡ ରାସ୍ତାରେ ଏଭଳି ଘଟଣା ଘଟିବାକୁ ନେଇ ସ୍ଥାନୀୟବାସୀ ନିନ୍ଦା ପ୍ରକାଶ କରିଛନ୍ତି ।
