ବାଲିପାଟଣା, (ବାଘୁଆବାର୍ତ୍ତା): ବାଲିପାଟଣା ଥାନା ଅନ୍ତର୍ଗତ ଖଇରିପୁର ଗ୍ରାମରେ ଘଟିଯାଇଛି ଏକ ଅଭାବନୀୟ ଘଟଣା । ନରସିଂହ ଶତପଥିଙ୍କ ପୁଅ ଓମ୍ ପ୍ରକାଶ ଶତପଥିଙ୍କ ନାମରେ ଆସିଛି ଯୌତୁକ ନିର୍ୟାତନା ଭଳି ସଙ୍ଗୀନ ଅଭିଯୋଗ । ଏଥିପାଇଁ ସେ ପତ୍ନୀଙ୍କୁ ଶାରୀରିକ ଓ ମାନସିକ ନିର୍ୟାତନା ଦେବା ସହ ମାରିଦେବାକୁ ଉଦ୍ୟମ କରିଥିଲେ ବୋଲି ବାଲିପାଟଣା ଥାନାରେ ପୀଡ଼ିତା ପ୍ରଜ୍ଞା ଷଡ଼ଙ୍ଗୀ ଅଭିଯୋଗ କରିଛନ୍ତି । ବାଲିପାଟଣା ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛ । ସୂଚନାରୁ ପ୍ରକାଶ, ନିଆଳି ଥାନା ଅନ୍ତର୍ଗତ ବଲୋରା ଗ୍ରାମର ବ୍ରଜ କିଶୋର ଷଡ଼ଙ୍ଗୀଙ୍କ କନ୍ୟା ପ୍ରଜ୍ଞା ଷଡ଼ଙ୍ଗୀଙ୍କୁ ଓମ୍ ପ୍ରକାଶ ବୈଦିକ ରୀତିରେ ବିବାହ କରିଥିଲେ । କନ୍ୟାପକ୍ଷରୁ ଯୌତୁକ ବାବଦ ୩ ଲକ୍ଷ ଟଙ୍କା, ଡ୍ରେସ ପାଇଁ ୫୦ହଜାର, ଦାମୀ ସୁନା ଚେନ, ବ୍ରେସଲେଟ, ୧୬ଟି ସୁନା ମୁଦି, ଝିଅର ଚୁଡ଼ି, ହାର ସହିତ ଘରୋଇ ଉପକରଣ ଯଥା ଫ୍ରିଜ୍, ୱାସିଙ୍ଗ ମେସିନ୍, ଟିଭି, ଡ୍ରେସିଂ ଟେବୁଲ, ଖଟ ଆଦି ଦିଆଯାଇଥିଲା । କିନ୍ତୁ ବିବାହର ୫/୬ ଦିନ ପରେ ସ୍ୱାମୀ ସ୍ତ୍ରୀକୁ ଛାଡି, କର୍ମକ୍ଷେତ୍ର ସମ୍ବଲପୁର ଜିଲ୍ଲାର କୁଚିଣ୍ଡା ଅଞ୍ଚଳକୁ ଚାଲିଯାଇଥିଲେ । ପୁଅର ଅନୁପସ୍ଥିତିରେ ଶାଶୂ ଶୈଳସୁତା ଶତପଥି, ଶ୍ୱଶୁର ନରସିଂହ ଶତପଥି, ନଣନ୍ଦ ପ୍ରିୟଦର୍ଶିନୀ ଶତପଥି ଓ ଅନ୍ୟ ଜଣେ ସମ୍ପର୍କୀୟ ନଣନ୍ଦ ମିଶି ପ୍ରଜ୍ଞାଙ୍କୁ ଦୈନିକ ମାଡ଼ ମାରିବା ସହ ଅକଥନୀୟ ଅତ୍ୟାଚାର କରୁଥିଲେ । ଏ ସମ୍ବନ୍ଧରେ ପ୍ରଜ୍ଞା ଘର ଲୋକଙ୍କୁ ଜଣାଇ୍ତଲେ । ଏଥିରେ ଉତ୍କ୍ଷିପ୍ତ ହୋଇ ଶାଶୂଘର ଲୋକେ ତାଙ୍କୁ ପୁନଶ୍ଚ ମାର୍ପିଟ୍ କରିଥିଲେ । ପ୍ରଜ୍ଞାଙ୍କ ବାପା ବ୍ରଜ କିଶୋର ପହଞ୍ଚି ବିରାଧ କରିବାରୁ, ସେ ମଧ୍ୟ ସେମାନଙ୍କର ଆକ୍ରୋଶର ଶିକାର ହୋଇଥିଲେ । ତାଙ୍କୁ ମଧ୍ୟ ମାଡ଼ ମରାଯାଇଥିବା ବାଲିପାଟଣା ଥାନାରେ ଅଭିଯୋଗ ହୋଇଛି ।
