ଅନିୟମିତତାରେ ଲିପ୍ତ ଥିବା କର୍ମଚାରୀଙ୍କ ବିରୋଧରେ ଦୃଢ କାର୍ୟ୍ୟାନୁଷ୍ଠାନ ନିମନ୍ତେ ଦାବି ଓ ଗଣ ଧାରଣା

ଭଦ୍ରକ, (ବାଘୁଆବାର୍ତ୍ତା): ଜିଲ୍ଲାର ଧାମନଗର ବ୍ଲକ, ଗୋବିନ୍ଦପୁର ଗ୍ରାମପଞ୍ଚାୟତର ବରଗଡା ସେବା ସମବାୟ ସମିତିର ସଂପାଦକ ଓ ସହକର୍ମୀମାନଙ୍କ ଦ୍ୱାରା ହୋଇଥିବା ଅନିୟମିତତାରେ ଲିପ୍ତ ଥିବା କର୍ମଚାରୀଙ୍କ ବିରୋଧରେ ଦୃଢ କାର୍ୟ୍ୟାନୁଷ୍ଠାନ ନିମନ୍ତେ ଦାବି ଓ ଗଣ ଧାରଣା । ଗୋବିନ୍ଦପୁର ଗ୍ରାମ ପଞ୍ଚାୟତର ୭ଟି ରାଜସ୍ୱ ଗ୍ରାମର ଚାଷୀ ମାନେ ନ୍ୟାୟ ପାଇଁ ସମବାୟ ସମିତି ସମ୍ମୁଖରେ ଧାରଣାରେ ବସିଛନ୍ତି । ଗୋବିନ୍ଦପୁର ଗ୍ରାମପଞ୍ଚାୟତ ର ବରଗଡ଼ା ସେବା ସମବାୟ ସମିତିରେ ପ୍ରାୟ ୧୪ଶହ ଚାଷୀ ବିଭିନ୍ନ ପ୍ରକାର ଋଣ କରିଥିଲେ ମଧ୍ୟ ସେଥିମଧ୍ୟରୁ ଅନେକ ଚାଷୀ କେବେ ବା କୌଣସି ଦିନ ସମବାୟ ସମିତିକୁ ଯାଇ ନାହାଁନ୍ତି କିମ୍ବା କୌଣସି ଋଣ ମଧ୍ୟ କରିନାହାନ୍ତି । ଯେଉଁ ୯୫୦ ଜଣ ଚାଷୀ ଋଣ କରିଛନ୍ତି । ତେବେ ସେମାନଙ୍କ ଅଜାଣତରେ ଋଣରେ ଚଞ୍ଚକତା ହୋଇଥିବା ଅଭିଯୋଗ ହୋଇଥିଲା । ଏହି ଅନିୟମିତତାର ତଦନ୍ତ ସହ କାର୍ୟ୍ୟାନୁଷ୍ଠାନ ପାଇଁ ବାରମ୍ବାର ଦାବି ପରେ ଜିଲ୍ଲା ପ୍ରଶାସନ ପଦକ୍ଷେପ ନେବାକୁ ପ୍ରତିଶୃତି ଦେଇଥିଲେ । ହେଲେ କୌଣିସ ପଦକ୍ଷେପ ନ ନେବାରୁ ଚାଷୀ ମାନେ ଧାରଣା ଦେଇଛନ୍ତି । ଦୁର୍ନିତୀ ନିବାରଣ ଅଧିକାରୀଙ୍କ ମାଧ୍ୟମରେ ତଥା ଜଣେ ମାଜିଷ୍ଟ୍ରେଟ ଅଧିକାରୀଙ୍କ ସହାୟତାରେ ତଦନ୍ତ କରାଇଲେ ତାହାର ସତ୍ୟାସତ୍ୟ ପ୍ରକାଶ ପାଇବା ସଂଗେ ସଂଗେ ବିହିତ କାର୍ୟ୍ୟାନୁଷ୍ଠାନ ଗ୍ରହଣ କରି ସଂପାଦକ ଓ ସହକର୍ମୀମାନଙ୍କ ବିରୋଧରେ କାର୍ୟ୍ୟାନୁଷ୍ଠାନ ଦାବି କରିଛନ୍ତି ।