ସମ୍ବର୍ଦ୍ଧିତ ହେଲେ ୧୩୦ ସଫେଇ କର୍ମଚାରୀ

ନୟାଗଡ଼,(ବାଘୁଆବାର୍ତ୍ତା): ସ୍ୱଚ୍ଛ ଭାରତ ମିଶନ ଯୋଜନାର ୨ୟ ପର୍ଯ୍ୟାୟ ଅଭିଯାନ ନୟାଗଡ଼ ପୌରପରିଷଦ ପକ୍ଷରୁ ଆଜି ଆରମ୍ଭ କରାଯାଇଛି । ସହରକୁ ଅଳିଆ ମୁକ୍ତ କରିବା ବଡ଼ ଲକ୍ଷ୍ୟ ରଖାଯାଇଛି । କାର୍ଯ୍ୟାଳୟ ପରିସରରେ ଆୟୋଜିତ ସମ୍ବର୍ଦ୍ଧନା ପର୍ବରେ ୧୩୦ ଜଣ ସଫେଇ କର୍ମଚାରୀଙ୍କୁ ସମ୍ବର୍ଦ୍ଧିତ କରାଯାଇ ମାନପତ୍ର ପ୍ରଦାନ କରାଯାଇଛି । ପୌର ନିର୍ବାହୀ ଅଧିକାରୀ ସନ୍ତୋଷ କୁମାର ଜେନାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟାଜିତ ଉତ୍ସବରେ କନିଷ୍ଠଯ ନ୍ତ୍ରୀ ବିଷ୍ଣୁ ପ୍ରସାଦ, ରାଜସ୍ୱ ସୁପରଭାଇଜର କୈଳାସ ଚନ୍ଦ୍ର ଜେନା, ପରିମଳ ବିଶେଷଜ୍ଞ ବିବେକାନନ୍ଦ ପ୍ରଧାନ, ‘ମୁକ୍ତ’ ସଂଯୋଜକ ଶିରୋମଣୀ ଧିରେନ୍ଦ୍ର କୁମାର ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ନିୟମିତ ଉଲ୍ଲେଖନୀୟ ନିଜ ନିଜ ଦାୟିତ୍ୱ ତୁଲାଉଥିବାରୁ ୧୩୦ ସଫେଇ କର୍ମଚାରୀଙ୍କୁ ନିର୍ବାହୀ ଅଧିକାରୀ ସମ୍ବର୍ଦ୍ଧିତ କରିଥିଳେ । ସୂଚନାଯୋଗ୍ୟ ୨୦୧୬ରେ ଆରମ୍ଭ ହୋଇଥିବା ସ୍ୱଚ୍ଛ ଭାରତ ମିଶନର ପ୍ରଥମ ପର୍ଯ୍ୟାୟ କାର୍ଯ୍ୟକ୍ରମରେ ନୟାଗଡ଼ ସହର ବାହ୍ୟମଳ ମୁକ୍ତ ସହର ଭାବେ ୨୦୧୮ରେ ଘୋଷଣା ହୋଇଥିଲା ।