ଭଦ୍ରକ ଜିଲ୍ଲାର ସହିଦନଗର ଠାରେ ବିଜୁ ଯୁବ ଓ ଛାତ୍ର ଜନତା ଦଳ ତରଫରୁ ସେବା କାର୍ୟ୍ୟକ୍ରମ ଆୟୋଜିତ

ଭଦ୍ରକ, (ବାଘୁଆବାର୍ତ୍ତା): ମାନ୍ୟବର ମୁଖ୍ୟମନ୍ତ୍ରୀଙ୍କ ବାର୍ତ୍ତା ପରେ ବିଜୁ ଯୁବ ଓ ଛାତ୍ର ଜନତା ଦଳ ତରଫରୁ ସେବା କାର୍ୟ୍ୟକ୍ରମ ଆୟୋଜିତ ହେଉଛି । ଭଦ୍ରକ ଜିଲ୍ଲାର ସହିଦନଗର ଠାରେ ସେବା କାର୍ୟ୍ୟକ୍ରମ ଆରମ୍ଭ ହୋଇଛି । ଅକ୍ଟୋବର ଦୁଇ ଗାନ୍ଧୀ ଜୟନ୍ତୀରୁ ନଭେମ୍ବର ଦୁଇ ଜୟପ୍ରକାଶ ଜୟନ୍ତୀ ପର୍ୟ୍ୟନ୍ତ ଏହି ଭଳି କାର୍ୟ୍ୟକ୍ରମ ଆୟୋଜିତ ହେବ । ସହିଦନଗର ଠାରେ ବିଜୁ ଯୁବ ଜନତା ଦଳର ଭଦ୍ରକ ଜିଲ୍ଲା ସମ୍ପାଦକ ସୁଶାନ୍ତ ପଣ୍ଡାଙ୍କ ନେତୃତ୍ୱରେ ସେବା କାର୍ୟ୍ୟ ଆରମ୍ଭ ହୋଇଛି । କଟସାହି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଠାରେ ସଫେଇ କାର୍ୟ୍ୟ କରାଯାଇଛି । ସ୍ୱାସ୍ଥ୍ୟ କେନ୍ଦ୍ରରୁ କର୍ମୀ ମାନେ ସଫେଇ ଆରମ୍ଭ କରି ବଜାର ମଧ୍ୟ ସଫେଇ କରିଛନ୍ତି । ଆଗାମୀ ସମୟରେ ବରିଷ୍ଠ ନାଗରିକଙ୍କୁ ସମ୍ବର୍ଦ୍ଧନା କରାଯିବ । ସପ୍ତାହ ବ୍ୟାପୀ କାର୍ୟ୍ୟକ୍ରମରେ ସହିଦ ପୀଠ ନିକଟରେ ବୃକ୍ଷ ରୋପଣ ମଧ୍ୟ କରାଯିବ ବୋଲି ସୂଚନା ଦେଇଛନ୍ତି ।