ଟାଙ୍ଗୀ, (ବାଘୁଆବାର୍ତ୍ତା): ରାଷ୍ଟ୍ରପତିଙ୍କ ଦ୍ଵାରା ସମ୍ବର୍ଦ୍ଧିତ ହେଲେ ଓଡ଼ିଆ ପୁଅ ବିକ୍ରମ ବିଶୋଇ। ଖୋର୍ଦ୍ଧା ଜିଲ୍ଲାର ବାଲୁଗାଁ ନିକଟସ୍ଥ ବଡକୁଳ ଗ୍ରାମର ରାଜେନ୍ଦ୍ର କୁମାର ବିଶୋଇଙ୍କ ପୁଅ ବିକ୍ରମ ବିଶୋଇ ନିଜକୁ ସମାଜ ସେବାରେ ଉତ୍ସର୍ଗୀକୃତ କରି ଉଚ୍ଚ ପ୍ରଶଂସିତ ହୋଇଛନ୍ତି। ମାନବ ସେବା ହିଁ ମାଧବ ସେବା ବ୍ରତରେ ବ୍ରତୀ ହୋଇଛନ୍ତି ବିକ୍ରମ। ଖୋର୍ଦ୍ଧା ଜିଲ୍ଲାର ବାଲୁଗାଁ ନିକଟସ୍ଥ ବଡକୁଳ ଗ୍ରାମର ରାଜେନ୍ଦ୍ର କୁମାର ବିଶୋଇଙ୍କ ପୁଅ ବିକ୍ରମ ବିଶୋଇ ସ୍ୱେଛାକୃତ ସମାଜ ସେବାରେ ନିଜକୁ ନିୟୋଜିତ କରି ଉଚ୍ଚ ପ୍ରଶଂସିତ ହୋଇଛନ୍ତି। ସମାଜ ସେବାରେ ନିଜକୁ ବ୍ରତୀ କରିଛନ୍ତି ବିକ୍ରମ। ତାଙ୍କର ଏହି ଅମୂଲ୍ୟ ସେବା ପାଇଁ ତାଙ୍କୁ ରାଷ୍ଟ୍ରପତି ରାମନାଥ କୋବିନ୍ଦ ସମ୍ବର୍ଦ୍ଧିତ କରିଛନ୍ତି । ବାଲୁଗାଁ କଲେଜରେ ପଢିବା ସମୟରେ ସମାଜସେବୀ ଗୁରୁ କୈଳାସ ଚନ୍ଦ୍ର ମହାରଣାଙ୍କ ପ୍ରେରଣାରେ ବିକ୍ରମ ଆଗକୁ ବଢିଛନ୍ତି। ଗୁରୁଙ୍କୁ ଅନୁସରଣ କରି ନିଚ୍ଛକ ଭାବରେ ଜନସେବା କରି ଚାଲିଛନ୍ତି ବିକ୍ରମ। ତାଙ୍କର ଏହି କାର୍ୟ୍ୟକଳାପ ଯୋଗୁଁ ତାଙ୍କୁ ବିଭିନ୍ନ ସ୍ଥାନରେ ସମ୍ମାନିତ କରାଯାଇଛି। ଉତ୍କଳ ବିଶ୍ଵବିଦ୍ୟାଳୟ ଠାରୁ ଆରମ୍ଭ କରି ଓଡ଼ିଶାର ସରକାର ମଧ୍ୟ୍ୟ ତାଙ୍କୁ ସମ୍ମାନିତ ଓ ସମ୍ବର୍ଦ୍ଧିତ କରିଛନ୍ତି କ୍ଷ ଗରିବ ପରିବାରରେ ଜନ୍ମଗ୍ରହଣ କରିଥିବା ବିକ୍ରମଙ୍କର ଉଚ୍ଚ ଆଶା, ଅଭିଳାଷ ଓ ଦୃଢ ଇଛାଶକ୍ତି ତାଙ୍କୁ ଆଜି ପଲ୍ଲୀରୁ ଦିଲ୍ଲୀକୁ ଟାଣି ନେଇଛି। ଖୋର୍ଦ୍ଧା ଜିଲ୍ଲାର ବାଲୁଗାଁ-ବାଣପୁର ତଥା ନିଜ ଜନ୍ମ ମାଟି ବଡ଼କୁଳ ପାଇଁ ଆଜି ଗୌରବ ଆଣିଦେଇଛନ୍ତି ବିକ୍ରମ। ତାଙ୍କର ଏହି ମହାନ କାମ ପାଇଁ ବିକ୍ରମଙ୍କୁ ବିଭିନ୍ନ ମହଲରୁ ପ୍ରଶଂସାର ସୁଅ ଛୁଟିଛି।
