ଦେବଗଡ଼, (ବାଘୁଆବାର୍ତ୍ତା): ଶ୍ରମକାର୍ଡ ପାଇଁ ଆବେଦନ କରି ଘରକୁ ଫେରୁଥିବା ବେଳେ ଅଟୋ ଓଲଟି ପଡ଼ିବାରୁ ୯ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ଗୁରୁତର ରହିଛି। ଦେବଗଡ଼ ଜିଲ୍ଲା ସମରଖାଇ ନିକଟରେ ଘଟିଛି ଏହି ଘଟଣା। ଆଜି ସକାଳେ ବାରକୋଟ ବ୍ଲକ ବୁଡ଼ାଖମନ ଗାଁର ୯ ଜଣ ପୁରୁଷ ଓ ମହିଳା ଏକ ଅଟୋ ଯୋଗେ ଦେବଗଡ଼ରେ ଥିବା ଶ୍ରମ ବିଭାଗ କାର୍ୟ୍ୟାଳୟକୁ ଶ୍ରମକାର୍ଡ ଆବେଦନ ପାଇଁ ଆସିଥିଲେ। ଦିନ ପ୍ରାୟ ଗୋଟାଏ ବେଳେ ସେମାନେ ଗାଁକୁ ଫେରୁଥିବା ବେଳେ ସମରଖାଇ ଗାଁ ନିକଟରେ ୪୯ ନମ୍ବର ଜାତୀୟ ରାଜପଥରେ ଅଟୋଟି ଭାରସାମ୍ୟ ହରାଇ ଓଲଟି ପଡ଼ିଥିଲା କ୍ଷ ଫଳରେ ସମସ୍ତେ ଆହତ ହୋଇଛନ୍ତି। ସେମାନଙ୍କୁ ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
