ଭଦ୍ରକ, (ବାଘୁଆବାର୍ତ୍ତା): ଜବତ ହେଲା ଗୋରୁ ବୋଝେଇ ଗାଡି । ବୁଧବାର ବିଳମ୍ବିତ ରାତିରେ କୋଲକାତା ଅଭିମୁଖେ ଯାଉଥିବା ଗୋରୁଗାଡିକୁ ଜବତ କରାଯାଇଛି। ଏହା ପାଣିକୋଇଲିରୁ ଯାଉଥିବା ସମୟରେ ଦୁର୍ଘଟଣାଗ୍ରସ୍ତ ହୋଇଥିଲା।ପରେ ବେଆଇନ ଚାଲାଣ ଫସର ଫାଟିଥିଲା । ସୂଚନାନୁସାରେ, ୧୬ ନମ୍ବର ଜାତୀୟ ରାଜପଥର ଚରମ୍ପା ନିକଟସ୍ଥ ଖଣ୍ଡିଆବଜାର ନିକଟରେ ଏମିତି ଘଟଣା ଘଟିଛି । ଏକ ଜାଇଲୋରେ ବେଆଇନ ଭାବେ ଗୋରୁ ଚାଲାଣ ହେଉଥିଲା । ଗାଡିଟି ଦୁର୍ଘଟଣାଗ୍ରସ୍ତ ହେବାରୁ ଏକ ବୋଲେରୋ ଦ୍ୱାରା ଏହାକୁ କଲିକତା ଅଭିମୁଖେ କିଛି ବେପାରୀ ଟାଣି ନେଉଥିଲେ । ତେବେ ଖଣ୍ଡିଆବଜାର ଅଞ୍ଚଳର ଲୋକେ ଉଭୟକୁ ଅଟକାଇଥିଲେ । ଏନେଇ ଗ୍ରାମାଞ୍ଚଳ ପୋଲିସକୁ ଖବର ଦିଆଯାଇଥିଲା । ପୋଲିସ ପହଞ୍ଚି ଗାଡି ଦୁଇଟିକୁ ଜବତ କରିବା ସହ ୬ ଗୋରୁଙ୍କୁ ଉଦ୍ଧାର କରିଛି ।
