ଚଣ୍ଡିଖୋଲ, (ବାଘୁଆବାର୍ତ୍ତା): କେନାଲରୁ ଯୁବତୀଙ୍କ ମୃତଦେହ ଉଦ୍ଧାର। ଯାଜପୁର ଜିଲ୍ଲା ବଡ଼ଚଣା ଥାନା ଅଧୀନ ଶାସନ ପୁରୁଷୋତ୍ତମପୁର ହାଇ ଲେବେଲ କେନାଲରୁ ଜଣେ ଯୁବତୀଙ୍କ ମୃତଦେହ ଉଦ୍ଧାର ହୋଇଛି। ମୃତ ଯୁବତୀ ଜଣଙ୍କ ହେଉଛନ୍ତି ଧାନମଣ୍ଡଳ ଅଞ୍ଚଳର ରାମ ପଣ୍ଡାଙ୍କ ଝିଅ। ଯୁବତୀ ଜଣକ ତିନି ଦିନ ହେବ ନିଖୋଜ ଥିବାବେଳେ ଆଜି ତାଙ୍କର ମୃତଦେହ ଉଦ୍ଧାର ହୋଇଛି। ଏନେଇ ପରିବାର ଲୋକ ଧାନମଣ୍ଡଳ ଫାଣ୍ଡିରେ ଲିଖିତ ଅଭିଯୋଗ କରିଥିଲେ। ଆଜି ସକାଳୁ ବଡ଼ଚଣା ଥାନା ଅଧୀନ ଶାସନ ପୁରୁଷୋତ୍ତମପୁର ହାଇ ଲେବୁଲ କେନାଲରେ ଜଣେ ଯୁବତୀଙ୍କ ମୃତଦେହ ଭାସୁଥିବା ସ୍ଥାନୀୟ ଲୋକମାନେ ଦେଖିବାକୁ ପାଇଥିଲେ। ଏନେଇ ଧାନମଣ୍ଡଳ ଫାଣ୍ଡି ପୋଲିସକୁ ଜଣାଇବା ପରେ ଘଟଣା ସ୍ଥଳରେ ପୋଲିସ ପହଞ୍ଚି ପାଣିରୁ ଯୁବତୀଙ୍କ ମୃତଦେହ ଉଦ୍ଧାର କରିଛି। ମୃତ ଯୁବତୀ ଜଣଙ୍କ ହେଉଛନ୍ତି ଧାନମଣ୍ଡଳ ଅଞ୍ଚଳର ରାମ ପଣ୍ଡାଙ୍କ ଝିଅ। ସେ ୩ ଦିନ ହେବ ନିଖୋଜ ଥିଲେ। ଆଜି ସକାଳୁ ତାଙ୍କର ମୃତଦେହ ଉଦ୍ଧାର ହୋଇଛି। ତେବେ ଯୁବତୀଙ୍କ ଶବ ବ୍ୟବଛେଦ ପାଇଁ ବଡ଼ଚଣା ମେଡିକାଲକୁ ପଠାଯାଇଛି। ଏହି ଘଟଣାକୁ ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି। ପୋଲିସ ଘଟଣାର ଅଧିକ ତଦନ୍ତ ଚଳାଇଛି।
ତିନି ଦିନ ହେବ ନିଖୋଜ ଥିବା ଯୁବତୀଙ୍କ ମୃତଦେହ କେନାଲରୁ ଉଦ୍ଧାର
